كيف اتحمل سموم هالزوج

السلام عليكم
كيف اصبر على كلام زوجي لو زله بسيطه او مزحه سوا مشكله كبيره وكني فعلا مقصره وانا اتحداه يلقى عود علي
والبارح مزحت معه وقام يتمنن ان عياله يجيبون لي اغراض البيت لانه مايتحمل اي مسؤوليه ومستحيل يجيب لي لو بريال خبز وعياله هم اللي يجيبون لي وديرتهم زفت مافيها بقالات توصيل او سواويق يوصلون اغراض وولدي صغير مره يعني الله حدني عليهم يجيبون اغراضي وامس يتمنن يقول مايكفي اننا نجيب اغراضك
اي اغراض اللي يتمنن خبز ورز وحفايظ وحليب شي اساسي حتى علبة ببسي او حلا مستحيل بس شي اساسي بحت وطبعا لاطلعات ولاروحات زي هالعالم لانه معود زوجته الاولى على الحجره تمر سنه سنتين مايشوفون لاحديقه ولاكشته و لا زيارات يوم تزوجني استغرب اني اقول بنطلع نشم هواء ويناظرني اني ماني صاحيه يوم اقول بنطلع وربي لنا سنتين ماطلعنا للبر بالاجواء الحلوه هي مره وحده بالليل وبالظلام ومكان كله حشرات كرهت الروحه معهم
يعني يكفي اني مااطلع براحه لازم لعنة جدف وتوتر وعلى اعصابي بعد بيعايرني انهم يجيبون لي خبز ومويه وجبن .. الخ
وضع زفت ولسانه ازفت مستحيل يلقى علي تقصير وفوق كذا يشم ريحة نقصير يهدد ضرب واهانه كني جاريه عنده
الله ينتقم منه لا امان ولا راحه