BnT DaR ZaYeD :

اختي الغالية مثل ماذكروا الخوات .. لازم بين كل فترة الوحده منا تغير طريقة لبسها .. اولا نبدأ العناية بالبشرة والاظافر .. سويلج ماسكات وتنظيف بشرة في الصيف علشان ول ماترجعين للدوام تحسين بالفرق وانه بشرتك نظيفة وصافية .. طبعا كل اسبوع على الاقل مرة سويي ماسكات طبيعية في البيت علشان تحسين بالانتعاش دووم .. وعلشان اتم بشرتج نظرة دووم .. وعن اظافرج .. سوي بدكير ومنكير ..بتحسين انه اييدج بيكون شكله غيير ونظييفة .. حتى لو ماتكونيين حاطة منكيير .. ثانية الشعر .. اول مايجذب الناس هو الشعر .. لازم تغيريين فيه شوي علشان تبينيين انك مغيره في اللوك .. بما انك تحبين الشعر الطويل ومب حابة تقصرينه .. تقدرين بس تقصين الشعر من الاطراف .. واتقصرين كم خصلة من الجوانب.. علشان يبين شكل وجهك اكثر.. او تقدرين تقصين الغرة (لو كانت طويلة) اممم تقدرين بعد كتغيير تسويين لكم خصلة هايلايت باللون البني او النحاسي .. بيطلع رووعه خاصة اذا شعرك كان لونه اسود او بني غامج .. بالنسبة لستايل الشعر.. ف مب زين انج تسشوريته كل يوم .. وبدل السشوار تقدرين تسويين تسريحات بسيطة وحلوة في نفس الوقت .. مثلا تقدرين تسويين شعرك يوم كيرلي .. لو Wavy (يوم يكون شكله كأنه مبلل) وترفهين شعرك وتنزلين بعض الخصل .. اممم تقدرين ترفعيين شعرك كله وتزينينه باكسسوارات صغيرة .. هذي بعض الصور طبعا لا تنسيين تغيريين في ربطات الشعر والاكسسوارات لانه تعطي لوك حلو ومتجدد.. ثالثا المكياج.. طبعا للدوام يفضل يكون المكياج واايد هادي وسمبل .. يعني حطي بس الكونسيلير (خافي العيوب) تحت العين .. مسكرا .. كحل .. اي شدو بلون خفيف ..بلاشر (احمر خدود( .. غلوس بلون خفيف .. طبعا تقدرين تغيرين لوك المكياج بالالوان الي تستخدمينها .. مثلا الكحل مب شرط يكون دووم باللون الاسود .. تقدرين تغيريين اللون بالي يناسب ملابسك .. رابعا الملابس .. طبعا علشان الكل يلاحظ تغير اللوك .. لازم تغيريين في طريقة اللبس .. يعني كوني دووم لابسه على الموضه .. حاولي انج تطلعين دووم باللوك الجديد الي مايكوون كل يوم مكرر .. يعني البسي التنانيير الغجرية الي تجي واسعة كثير.. وعليه بدي حلو وتقدرين تلبسين عليه جاكيت جينز او اي نوع جاكيت يكون من القطن او غير قماش.. الافضل انه يكون الجاكيت قصير.. مثل الي دارج .. وطبعا حق هذا اللوك تقدرين تلبسين السلاسل الطويلة الي تنحط على الرقبة .. بيطلع واايد حلو وشيك او مثلا تقدرين تلبسين بنطلون جينز او اي بنطلون .. وعليه فستان اين تحت الركبة بشوي ..وعليه حزام عريض على الموضة .. وحلق شوي طويل امممم طبعا هذي الملابس الي تكون على الموضة بتحصلينها في محلات كثيرة مثل برمود زارا مانجو ايتام وغيرهم .. واسعارهم تكون معقولة خاصة انه هذي الايام السوق كله تنزيلات .. نصيحة زيتي الملابس بالاكسسوارات مثلا التظارات .. البروشات .. الاحزمة .. الحلقان .. السلاسل .. وغيرها من الكسسوارات .. امم انصحج تشوفين فهرس مواضيعي الي في بداية القسم حق صور اكثر للملابس .. واذا بغيتي اي شيء انا حاضرة :)

اختي الغالية مثل ماذكروا الخوات .. لازم بين كل فترة الوحده منا تغير طريقة لبسها .. اولا نبدأ...

modhela :

لا يمكنك مشاهدة هذا التعليق لانتهاكه شروط الاستخدام.

omass :

واوووووووووووووووووووو انا بطير فرحة مو معقولة كل هالردود و الأقتراحات الحلوة ....الف الف شكر للجميع. مشرفتنا الغالية اتحفتينا بردك :32: مدري شقول والله أنا مبسوطة. لازم اتعلم اسوي البديكير و المنكير في البيت لأنه ممومعقولة كل أسبوع اروح الكوافيرة....مممممممممم و الماسكات أكيد حلاقي في المنتدى بس لو عندك نصيحة لأفضل ماسك أكون شاكرة:boom: مشكلتي أني أخجل أغير في لبسي ممكن ألبس سلاسل و حلقان طويلة لكن ما البس حزام عريض أو تنورة غجرية أحس نفسي غريبة :07: ......................بس أنا قاعدة أفكر أستلف لبس غير لبسي من أخواتي و أحاول أجرب في الطلعات البسيطة لين أحس أنه تعودت على شكلي:2thmup: بالنسبة للشعر ابدعتي والله كل تسريحة احلى من الثانية و انشاء اقص الغرة و اجرب كم تسريحة من الي قلتي مع أنه العيب في اليد الي تصلح:confused- ما قصرتي :26:

واوووووووووووووووووووو انا بطير فرحة مو معقولة كل هالردود و الأقتراحات الحلوة ....الف الف شكر...

omass :

أم بقشة و الله يا الغالية ما قصرتي:26: الحين انشاء الله طيران اجرب لأني طالعة عصرية( لزوم الأجازة العباية ما تنزل من الراس):hahaha: اكره علي البرمودا أحس نفسي طفلة ( معقدة):23: و التنانير الغجرية فهمتها بس لا تعصبين:42: ما قصرتي:26:

أم بقشة و الله يا الغالية ما قصرتي:26: الحين انشاء الله طيران اجرب لأني طالعة عصرية( لزوم...