الله يعينك ويعيننا

اذا صار زوجك بيعطيك الفلوس بيدك تتحكمي فيها كويس جلسنا معك وحلينا المشكلة . بس اذا كان مو موافق او انت توفرين من جهة وهو يزيد مصروف اخوانه ولايكثر كماليات من جهة ماله داعي توفرين واجبريه يمشي لك مصروف شهري تقدرين توفرين منه .

كلميه وتعالي بلغينا رايه علشان نعرف نحل المشكلة .

للحصول على بركة المال..

الابتعاد عن القروض ..


الابتعاد عن الاسهم..

الابتعاد عن بطاقات الائتمان..

الصدقات ..

صنائع المعروف تقي مصارع السوء.

.
هذه اول خطوة..وعلى حسب نيتكم في التخلص من القروض وانه آخر قرض سيرزقكم الله من حيث لاتحتسبون..

بسم الله الرحمن الرحيم
اولا لازم زوجك يتعاون معاك يد وحده ما تصفق
ثانيا كثيييييييير3400 على هالامور
اولا الكهرباء اذا انت ماعندك اطفال تقدرين تقللين منها شوي كم عشره
والتلفون قصدك الجوال والا الثابت ؟ ليه الثابت 500 ريال شهريا ؟
فيه الان عرض لجود اظن بالشهر 200 وشوي يجيك انترنت والمكالمات داخل المملكه حتى لو موب بنفس الديره مجانا لكن على الجوالات بفلوس
وقللو اتصالات يعني تبغين شي وهو جالس برا البيت ارسلي رساله وهو نفس الشي
واظن فيه اذا اشتركتي بموقع الاتصالات يعطونك اسبوعيا 25 رسال مجانيه خلوها هي اللي بينكم
نجي لل3400
خذي لك منها مصروف شهري مثلا 800 ريال وزوجك مثله هذي 1200 ريال
وخلو منها 1000 ريال مقاضي للبيت واذا انتم عائله صغيرونه خلو لكم طلعه اسبوعيه لكارفور قضو فيها النااقص وابعدو عن الكماليات في الاكل وخلو مثلا نوعين فواكه اسبوعيا تغيرونها لغيرها الاسبوع اللي وراه
نجي للباقي ال1400 ريال هذي بتقدرين توفرينها شهريا وخليها عندك افضل عشان ما يتفضل فيها على غيركم يعني يتعود يحرمك ويعطي غيرك وخلوها للزنقات والا للسياره لو احتاجت وغيره
وعاد اذا شغله فيه دورات والا انتدابات يتحرك لا يتركها تعزز مكانته وتسااعدكم
وان شاء الله الميزانيه تناسبك

:26:حياكم الله واشكر لكم تفاعلكم جميعا :26:

بالنسبة للميزانية مستحيل يعطيني اتصرف فيها ومع ذلك بحاول ومصروفي الشهري ((كلام بس ))300 ريال واذا اعطاني طبعا انا احاول اوفر فيها ياخذها مني نهاية الشهر بحجة ان حنا في ازمة الحين ومحتاجينها وبعوضك ومن هالكلام وقبل اخر الشهر كل ما بغيت شي قال على حسابك احاول اطلع من هالزنقة بدلع وافتكيت منها بس اخر الشهر ماقدرت ولا قدرت اخليه يلتزم فيها ولاقدرت اخليه يعلي المصروف شوي طبعا انا غرضي التوفير اقوله 500 يقول كثيره او ياخذها تريقة ويقول اذا بغيتي شي ما بقصر معاك وهو والله من جد ما يقصر ,,, بس مادري ليه كذا لا جينا للمصروف تغير ...:(
وللمعلومية انا حامل وعلى وجه ولاده يعني داخلين على مصروف بيبي الله يحفظة ويطلعة بالسلامة