بلاك كات @blak_kat

عضوة جديدة

(قصة حياتي وضياعي ورسول الله ..)) رأيته مرتااااااااان .. ااه يارسول الله

السلام عليكم اخواتي ...

الي بترد رد يوعيني ويدلني اسأل الله لها القبول ويجعلهها الله من عتقائة من النار , والي بترد رد يسيء لي ويزيدني جرح وتعب فحسيبها الله ..

أنا بنت عشرينية .. متزوجة من سنتين .. من زوج لا أسستحقه, لأ أستحقه لكن نصيبه يتزوج انسانه مشتته ضايعه عاصيه منافقه مذنبه .. من اب شيخ صالح وأم صاالحه جدا , ومن عائلة محافظة ومعروفة , اخواني واخواتي ناجحين و صالحين اخواتي كذلك .. لكن أنــــــا !!!!!! مدري انا من اي كوكب ,

أولا اقولكم : أنا أصلي فروضي , طيبه محترمه , عطوووفه , صوامه , اصوم الاثنين والخميس مطيعه لأمي وأبوي الكل يحبني دون إستثناء , المدرسه والاهل والكل يحبووني درست الجامعه سنه وفصلت .. مالي رغبه بالحياه ,, ابدااااا .. ولا بالاجتهاد رغم اني كنت متفوقه .. بس الطاااااامة الكبرى أني أكلم شباب وسرقت حاجات غاليه من ناس غالين , وعشت حياتي بين الذنوب والمتاهات , بس كنت ابكي مليون مره داخلي لان امي فخورة بي وبطاعتي لربي قدامها
.. يابنااات أنا منافقه أنا كذابة :44:
المهم انا رأيت النبي صلى الله عليه وسلم " في المنام مرتين في حياتي .. وكان يحظني وابكي بحظنه واشكي له همومي واقوله تعبت تعبت .. وكان يضمني بحب وبشفقه وبحنان وكنت اقوله مو مصدقه عيوني يا رسول الله .. المهم كان يسألني عن صحتي وكرر هالسؤال كذا مره ؟؟ وعن حالي ؟؟ فاقوله طيبه واسكت ما اقوله اني مذنبه فكان يقولي انتبهي لنفسك وسلمي على امك . المهم وعدني انه يقابلني بعد الموت .. وانا فرحت جداا وقالي بالحرف الواحد انا صحيح بموت بس بنتقابل بعدين وضحك لي وانا ابتسمت له .. ومات قدام عيوني .. وكنت اهزه جسده وابكي .. بعدين اقول خلاص بقابله هو وعدني " طبعا المرتين الي شفته فيها كان شكله نفسسسه ولا شيء متغير فيه غير اللباس والمكان ..

انا تزوجت وانفرجت علي همووم كثير تركت مكالمات الشباب لاني ما تعديت هالخطوة بس كنت اكلم .. بس اللحين بعد زواجي بسنتين احس اني خايفه انتكس زوجي مطوع وما استاهله ابدا .. امثل عليه ان الماضي حقي حلو واني بنت مؤدبه واني اكره البنات الي يكلمون .. المهم خايفه من الموت ومن الحياه خاييفه من ربي مره ياناس انا منافقه كيف ربي يغفر لي ذنوبي احس اني في دوامه رمضان تخيلو ما اقدر اقرأ قرآآن ولا اقدر اكمل الاذكار فيه شيء يمنعني , رغم حرصي احس اني احتقر نفسي لما اشوف الي يصلون التروايح ويقرون .. احس اني حقيـرة تافهه .. مدري يابنات ابغا انسانه واعيه تصحيني لاني مستحيل اشكي لاحد .. بالمناسبه الله رزقني الرؤيا الصالحه , الدعاء المستجاب , والله شهيد .. على ما اقوله احس اني محظوظه بس انا ما اطيع ربي مجرد اني اصلي واصوم وبس .. ياناس انا قلبي طيب بس رفيقات السوء دمروني ..

كلامي ملخبط .. بس والله الشاهد انها قصتي ,, ريحوني في هذي الليله .. بكلمات تجعلني احس ان باقي أمل اكون انسانه غيررر ..

يلزم عليك تسجيل الدخول أولًا لكتابة تعليق.

تسجيل دخول

وردة بوك • 12 سنة

عزيزتي لو ماعند ك خوف من الله كان ماصليتي ولاصمتي أنتي أنسانه واعيه وعرفه حدود ربك وربي رازقك بزوج صالح وعائلة صالحة وش تبين أكثر من هذا صديقات السوء ابعدي عنهم أقسم بالله بياثرون حتى على حياتك الزوجية بيدمرونك
أنتي كوني صاقه مع نفسك ومع الله وابتعدي عن كل مايدمرك
الجئي الى الله بالدعاء ان الله يثبت ويصلحك
انتي بنت تربيتي على طاعة الله وستمري عليها أطوي صفحة الماضي لاترجعين للخلف لاتسمحين لشيطان يؤثر عليك هذا ابتلاء وعليك الصبر ونتبهي ان زوجك يلاحظ هالحزن على وجهك ولاتكلمينه عن الماضي
عفى الله عما سلف

shraa • 12 سنة

الحلو بموضوعك انك ندمانه وهالشي يدل ان فيك خير ان شاء الله
حاولي تنسين الماضي لان الشيطان حريص يذكرك عشان تنشغلين عن العباده
وابتعدي عن صديقات السوء عشان مايذكرونك بالماضي

نور ستايل • 12 سنة

الله يساعدك ويعينك ياقلبي

مرت سنهـshosho • 12 سنة

ربي يسعدك و ينور حياتك..إنتي في داخلك ايمان
أولاً:انتي مو منافقه‘‘لان المنافق لايريد التوبه اما انتي تريدينها وبلهفه..
ثانياً:حلمك بالرسول يكفي فأفرحي انك شفتي سيد البشر..

قال أبو نواس:
يارب إن عظمت ذنـــوبـــــــــــي فلقد علمت بأن عفوك أعظــــــم

إن كـــان لا يرجـوك إلا محســـن فبمن يلوذ ويستجيـر المجـــرم ؟

أدعوك رب كما أمرت تضرعـــــا فإذا رددت يدي فمن ذا يرحـــم ؟

مالي إليك وسيلة إلا الرجــــــــــا وجميـــل عفوك ثم إنـــي مسـلم!

الااا كبريااائي • 12 سنة

عزيزتي دام ضميرك مامات صدقيني مستقبلك واعد ماشاء الله وانتي انسانه فيك خيييير واجد وصلاح كثير
خلي رمضان نقطة البدايه لك تلاحقي عمرك باقي اقل من 10 ايام
صلي الوتر اخر الليل وابكي بين ايدين ربك ابكي ابكي ابكي وادعي من قلبك
وحرام اللي انتي تسوينه ...(ان الله لايغير مابقوم حتى يغيروا مابأنفسهم)اذا ماغيرتي اللي بنفسك من نفسك ماراح تتغيرين
وراح تغرقين بالوحل اكثر لين تجي النهايه اللي محد يرضاها لنفسه...
الشيطان تغلب عليك وهو ضعيف...وين قوة ايمانك خليك اقوى واقوى...
دايما خليك على وضوء دايما تعوذي من الشيطان بكل وقت
نوعي بالادعيه والعبادات صدقيني بتعدين هالازمه وان شاء الله تكونين داعية المستقبل.....
دعواتك لي ربي يفرج همومي