آنالكـ مآني لغيركـ @analk_many_lghyrk
عضوة نشيطة
(ادخلي) .. يمكن عندك معلومه تكسبين فيهآ أجر وتلقين دعوه
السلآم عليكم ورحمة الله وبركآته
/
\
/
كيفكم يآ حوآئيآت/ عسآكم بخير وصحه وسلآمه
بدخل فالموضوع علطول
وبذكر لكم القصه
أمي الله يحفظهآ نآويه تفتح مشغل بحول الله
والمشغل اللي بتآخذه مصمم كمشغل ((يعني كآن مشغل))
واللي كآنوآ فيه ارتفع عليهم الإيجآر وحبوآ ينقلوآ مكآن ثآني
بحكم ان عندهم عمآره ملك (يعني يرتآحون من الإجآر)
والنآس ذولي الله يسآمحهم فيهم حقد مآ يصفون النيه أبد
ونسوآ ان الأرزآق بيد ربنآ
لمآ عرفوآ ان أمي بتآخذ المشغل قآمو يرمون عليهآ حكي من حقدهم
ووش اللي قدرك عليه؟ ساكنين فبيت إجار وودك بالمشغل ؟
ومن ذا الحكي ((استغفر الله العظيم بس ))
وأمي فديت قلبهآ من النوع اللي مآ يهمهآ أحد وتسكت
وتقول كلن رزقه على الله ((الله يعطيهآ على قد نيتهآ يآرب))
تدرون وش اللي قآهرني !!
انهم يوم طلعوآ من المشغل خربوآ كل شي
بتقولون لي كيف
أنآ معهم فإن الأشيآء لهم ومن حقهم يآخذونهآ ما قلنا شي
فكوآ الحديد وكل شي يمكن ما يستفيدون منه بالمشغل الجديد بس من حقهم يبيعونه
بس اللي قاهرني انهم كسروآ أشيآء مآرآح يستفيدون منهآ أصلآ ((يعني لعآنه )) عشآن امي لا تستفيد منهآ وعشآنهم خسروآ عليها لآزم اهي بعد تخسر ((بصرآحه هالكلام كانت تقوله لأمي قبل لآتدري انهآ بتآخذ المشغل))
تخيلوآ كسروآ المرايه تبع الكوفيرات ((يعني معروف المرايه إذا فكيتيها بتتكسر لأنهم مصمغينهآ)) طيب ليش ما خلوها ؟
والجبس تخيلو كسروه ؟ من جد انصدمت ان في ناس كذا ؟
والله صآر بيت قديم ولا كآنه كآن مشغل
يعني أمي فديت قلبهآ بتخسر عليه من أول وجديد وكآنت متحمسه للمشروع ويوم دخلت المشغل لأجل تشوفه شفت الصدمه فيهآ وحسيت فيهآ والله (بس ربي يعوضهآ ان شآء الله)
وربي أشيآء وآجد مآ رآح تصدقون
حتى اللمبآت فكوهآ << أوكي هذي نقدر نقول انهآ لهم من حقهم يآخذونهآ
بس مآ فكروآ ان في شي اسمه ((لوجه الله)) احتسبي هالشي طيب !! ..
عمومآ اعذوروني على طول الحكي بس من قهري والله حكيت :44:
اللي بغيته منكم
تكفون لا تبخلون علي أبيكم تفيدوني لأني أبي أسآعد أمي
وتخبروني من وين أجيب أغرآض المشآغل من إلى (حتى فأدق التفآصيل خبروني)
لا تقولون لي محلات الجمله أدري
بس خبروني وين بالضبط (انا بالرياض) وهل فعلآ شفتو أغراض خاصه بالمشاغل
يعني الاستشوارات والشغلات هذي ممكن نلقاها بسهوله
بس أبيكم تخبروني عن الصبغات يعني أكيد في مكان يبيع للمشاغل تكون كميات مو مثل اللي نشتريها بكرتون لشخص وآحد
والمكياج وش افضل شي للمشاغل والكريمات وأدوات تنظيف البشره ياليت تعطوني مقشرات وكريمات لتضييق المسام و و و والحمام المغربي وأدواته و و و
تكفون يا بنات كل صغيره وكبيره وربي اني محتاجه أساعدها :(
واللي عندهآ أفكار للديكورآت يآ ليت مآ تبخل علي وأبيها أشياء بسيطه وحلوه ولو فيها اعمآل أسويها بروحي لو بالتجليد بس تطلع حركات حلوه
برضوا عطوني أفكار لأن أمي فديت قلبهآ أهم شي عندها ان الشغل يكون ممتاز وسالفة الديكورات والتزيين مو على بالها ((بس أنا فنظري أن هالشي أهم حاجة بعد الاتقان فالشغل)) لأني أشوفه سبب في جذب الزبآين ..
يآليت تفيدوني باللي عندكم ولو فكره وربي لادعي لكم من كل قلبي لأنكم ما تدرون اش قد انا محتاجه لها الشي ,,
واللي مآ عندهآ أي فكره يآليت مآتبخل علي برفع الموضوع ..
/
\
/
فانتظآركم واتمنى مآ تخذلوني:44: ..
54
3K
يلزم عليك تسجيل الدخول أولًا لكتابة تعليق.
كلفه
•
حبيبتي الله يعوض على امك ويرزقها من وسع
ثاني شيء الاغراض بتلاقينها في شارع
الخزان بالنسبه للسشوارات والصبغات و
الفرش وووووو
اما بالنسبه للسلال والشماعات بتلاقينه
في محلات جده ديكور بنفس المنطقه
بتلاقي اكثر من محل ولك الخيار
هذه معلومات انا ما عندي مشغل
و***** الله البنات يفيدونك
ثاني شيء الاغراض بتلاقينها في شارع
الخزان بالنسبه للسشوارات والصبغات و
الفرش وووووو
اما بالنسبه للسلال والشماعات بتلاقينه
في محلات جده ديكور بنفس المنطقه
بتلاقي اكثر من محل ولك الخيار
هذه معلومات انا ما عندي مشغل
و***** الله البنات يفيدونك
شدوونا
•
الله يوفقكم حبيبتي ويرزقكم من حيث لاتحتسبون اما حبيبتي بالنسبه للاشياء اللي طلبتيها فانا أعرف أماكنها بجدة اما بالرياض فوالله ماعرف بس حبيت ارفع موضوعك واذا تبغي اي شي من جدة انا تحت امرك عيوني...
الصفحة الأخيرة
بس الله يوفقك
وان شاء اللله البنات يفيدوك