السلام عليكم خواتي...
بنات انا تعبانه لي فتره طويله من الم في جنبي الايسر الالم يجيني على شكل شد وغيره ورحت للطبيب ولاشعه والتحاليل سليمه والحمدلله ,,وان اعاني بعد من ضيقه وحزن وسرحان وقلة تركيز..واسقاط مرتين ولي فتره طويله ماحملت
المهم خواتي يقنعوني اني اروح لشيخ راقي وبعد تردد طويل جدا يسر الله ورحت ,,وكان يقر علينا مجموعه من الحريم ماحسيت بشي ابد ولما انتهى جيته وقلتله اني تعبانه مرره من جنبي الايسر المهم قرا علي بشكل سريع وانا امامه واشر علي بصبعه ,,,وقال لاحول ولاقوة الابالله اكثر من مررره وقالي وش حسيتي انا مدري وش اللي صار فيني حسيت مثل النفضه بجسمي خفيفه وخوف ورغبه في البكاء...وقالي انتي ياختي تعبانه من زمان جدا ومشكلتك بارحامك قلتله اني ارحامي ماحس فيها واني شيعت والاشعه مافيها شي ,,,وقلتله اني جنبي قال جنبك سببه ارحامك
وقالي علاجك بيطول والله يشفيك,وسالني قال انه قبل خمس عشر سنه كانت فيه مشاكل بينك وبين زوجك ونفره قلت ايه لانه صحيح,,واعطني نبتة الشذاب اغتسل فيها وزيت مقرؤ فيه
انا يابنات مسالته وش فيني بالضبط عين او مس اوغيره وليش بيطول علاجي,,,,ماقدرت اطول ولااسال مدري ليش ,,,المهم اني طلعت وانا ضايقه فيني الدنيا وبكيت مدري وش السبب ,,يمكن ضاق صدري على نفسي واني تاركه نفسي طول هذي السنين وانا اقول مافيني شي,,يارب رحمتك وماني قادره افسر كلام الشيخ وش فيني وليش حالتي بطول
بنات انا مدري وش اسوي وش ابد وش ,,يارب
تايهه ,,,وتعبانه من جنبي جدا وفيني خمول وكسل وثقل في اداء العبادات ...
بنات ساعدوني الله يجزاكم خير باي شي بتفسير لوضعي او حل الله لايحرمكم الاجر ..نفسيتي تعبانه ومحتاره واحس اني مااقدر اسوي :44:واقول دايم استغفر الله ياليت اني مارحت كنت عايشه وناسيه
اسال الله ان يشفيني ومرضى المسلمين ..امين
ارفعو الموضوع الله يرفع قدركم
صيف نجد @syf_ngd
عضوة فعالة
يلزم عليك تسجيل الدخول أولًا لكتابة تعليق.
همسة الغلا
•
ربي يشفيك ويعافيك يالغاليه انصحك بكثره الدعاء بقيام اليل وكثرت الاستغفار وربي يكتب لك الشفاء العاجل انه علئ ذالك قاادر
الله يشفيك
ادخلى موقع عبدالله الخليفة وافتحى ملف هناك وهم يتعاملون معك من علاجات وخلطات
ادخلى موقع عبدالله الخليفة وافتحى ملف هناك وهم يتعاملون معك من علاجات وخلطات
ربي يشفيك ويعافيك يالغاليه انصحك بكثره الدعاء بقيام اليل وكثرت الاستغفار وربي يكتب لك الشفاء العاجل انه علئ ذالك قاادر
صيف نجد
•
لا يمكنك مشاهدة هذا التعليق لانتهاكه شروط الاستخدام.
جزاك الله خير ياختي
بس للتوضيح هذا شيخ وماهو مشعوذ ومعروف عندنا بالرياض وله جامع معروف ولو عليه شبهه ماخلوه كان امسكوه,,,
بس للتوضيح هذا شيخ وماهو مشعوذ ومعروف عندنا بالرياض وله جامع معروف ولو عليه شبهه ماخلوه كان امسكوه,,,
صيف نجد يسلمك يارب
ممكن اسم الشيخ بالخاص
جعلك بالجنه اسعي لحاجة اخيك المسلم يسعى الله لحاجتك
ممكن اسم الشيخ بالخاص
جعلك بالجنه اسعي لحاجة اخيك المسلم يسعى الله لحاجتك
الصفحة الأخيرة