انا شخصيا افضل مخاطبة السيدات و اتمنى دائما ان تتم العملية التجارية بيني و بين السيدة مباشرة

للاسف هالحركات تكررت كثير وسببت مشاكل كثير
وطبعا مو حرام التعامل مع الرجال بحدود الشرع لاننا كلنا نعرف انه حتى بزمن الصحابه وامهات المؤمنين كان في تعامل بالتجاره سواء نساء او رجال

لكن المشكله انه هالزمن صار فيه بعض الرجال وللاسف ما يستؤمن عليهم لانه ما يخافون ربهم ولا يخافون على اخواتهم بالاسلام وتصير ازعاجات ومغازل ومعاكسات ومشاكل وعيب كلها هالاشياء وللاسف تكررت كثير بالمنتدى

يعني مثلا لما البنت تعطي رقمها لبنت او حرمه المفروض هالحرمه او البنت تتقي ربها ولا تعطي الرقم لزوجها ولا اخوها ولا حتى لحد غريب لانه صارت مثل هالمشاكل توزيع ارقام تلفون التاجرات على بعض الشباب وللاسف

وانا عانيت من هالشي وغيري من البنات عانوا وكتبت وكتبوا وللاسف يتم في حريم او بنات تفكيرهم ما يتعدى طول خشمهم (واسمحوا لي على هالكلمه) بس والله من العصبيه والقهر من الحركات اللي ما تنتهي !! إلى متى !!
حتى الشيطان شاطر ممكن الرجال نفسه الامارة بالسوء تخلي الشيطان يلعب براسه خاصه انه الرقم بين ايديه وممكن اخوها للبنت بعض الاحيان يا ليت شوي نفكر قبل اي تصرف وما نهمل حتى ارقام تلفونات البنات سواء تاجرات او مشتريات ونحط الارقام ونسجلها بالكمبيوتر ولا نتركها على الطاوله في البيت كذا لانه النفس اماره بالسوء وما ندري مين ممكن الشيطان يلعب بعقله ويستخدم الرقم غير ..

يا ليت يا بنات نخاف على بعضنا البعض ونكون اخوات في الاسلام تخاف كل واحده مننا على الثانيه

والف تحيه حبوبات

فعلا انا تجيني ازعاجات كثير ..

ماحد عانى مثلي:44:

الله يهديهم