لو ماعندهم لغة وانتي عندك علميهم طبعا بطريقة شيقة باللعب والانشطة
فرقاك صعبة
صح مافي شي يقوي شخصية الولد ماشاءالله الا انه يروح ويجي مع ابوه الطفل اللي بعد 5سنين وغالبا في البيت مع امه مو زي اللي مع ابوه مسجد بقالة يشوف ابوه كيف يسلم عالناس كيف وكيف
ولو فيه جنبكم حديقة حقت الحي يمديكم تروحوها يلعبو يتعرفو على اطفال لين ما يتعبو بعدين ارجعو البيت حديقة الحيوانات. لو في مدينتكم في متحف ولا حاجة زي كدا
بس حاجة تحدث فرق ومن جد القراءة القراءة القراءة

كل الحلول الي عطيتوني موقته. دراجه مكعبات يوم يومين ويطفشوا منها الحديقه الالعاب هذي حلوه بس مين بيطلعك كل يوم والله يعطيكم العافيه ماقصرتوا بطرح اراءكم

شيلي الاجهزه عنهم لا تخلينهم يطولون عليها حدهم ساعتين
وفي تطبيق بالايباد اسمه (يوتيوب كيدز ) افلامه حلوه مناسبه للأطفال
وقناة براعم راقيه ومناسبه لطفل

حتى الي عنده حوش أطفالهم يملون منها بالاخير
فاأفكار البنات حلوه
وأضيفي عليها الرمل الخاص بالأطفال حلو وممتع من تويز ار اس او محلات الاطفال
الصلصال مع قطاعاته شي جميل لهم وفعلا يحبونه
البنت جيب لها مطبخ
وأخوها قطار مع السكه والبيوت حقته بياخذ وقت بالتركيب والفك
اذا عندك مكان بالبيت حطي نطيطه
اذا مطبخك يستوعب مسبح (تستخدمينه لهم باليوم الي بتغسلين مطبخك )
الصبوره حلوه لصغار ويحبونها حيل
فرفيره او بلياردو
أذا هم صغار (4سنوات ) وعندك مكان بالبيت غرفه فاضيه جيب لهم مرجيحه مع زحليقتها او بيت الكوخ
مرسم (الوان خشب وشمعيه وطباعه مع الاستنسل المفرغ ) ينبسطون عليه

جيبي لهم حيوان اليف صغير يعتنون فيه

والأهم من هذا شغلي لهم القرأن وحببيهم فيه بدال الكرتون المرعب
وسولفي عليهم عن القرأن وفضله (تراهم يسمعون ويحسون بجماله )
خليهم يلعبون معك لعبة التنظيف (عطيهم مناشف مبلله صغيره يمسحون الكنب او الجدار او الطاولات ) منها تعودينهم على المساعده ومنها سوو شي وفرغو طاقتهم فيه وبعده سوي لهم كيك او حلا مع القهوه خليهم يحسون بالانتعاش وهذا يعلمهم قيمة العمل

من جد فعلا مشكلة هالاجهزة وبرامج الغزو الفكري بس زين ان فيه امهات واعيات مثلك وبالفعل مع صغر البيوت الحين ما تلقين مكان لأنشطة حركية بس مو مشكلة فيه عدة حلول مثلا الاشغال اليدوية والرسم والتلوين مجالها واسع انا شفت حتى اولاد صغار بعمر 5 وال 6 سنوات يسوون اساور المطاط :) اطبعي لهم رسمات يلونونها من اختيارهم ممكن حوض الرمل الصغير من التعليم المبكر او انتي سويه والرمل ترى مفيد مررة ينمي عضلاتهم ويشيل الشحنات السالبة ... لو مدخل العمارة كبير وممكن اقفال الباب الرئيسي خليهم يطلعون برا بالسياكل والسكوترات والكور انا اطلع حتى بنتي الصغيرة بمشايتها هههه :) تنظيم حفلات لعيال الجيران مساعدتك في المطبخ او يسوون شغلات بسيطة .. البنات ممكن تجيبين لهم العروسة الكبيرة اللي بس راس وشعر ويسوون لها تسريحات وماكياج .. وبالنسبة للاجهزة اذكر كان فيه تابليت فقط للاطفال فيه قيود وتحكم عالي للوالدين موجود في جرير .. وبامكانكم تخلون كلمة السر للنت وللاب ستور ما احد يعرفها الا انتم والوالدين بس هم اللي يحملون الالعاب ويدخلون على النت واختاروا لهم البرامج والكرتون اللي يكون مفيد ويضيف للعقل مو بس تسلية مثل قصص الانبياء والعجائب في القرآن... الخ واذا حولكم ساحة الحي البلدية حلو تودونهم لو كل اسبوعين يلعبون في حديقتها والملاعب

عاد انتي حمسيهم عشان ما تكون مؤقتة ... مثلا بخصوص القراءة كلنا نعرف انها ثقيلة وعيالنا ما لهم خلق يقرون بعد المدرسة بس سوي لهم مسابقات تلخيص مثلا للكبار او اسئلة واجابات لو شفوية للصغار وحطي جائزة او مثلا يختار الفائز من ثلاث جوائز ... حفظ القرآن حمسيهم ان من يحفظ اكثر بيكون له جائزة .. اذا شفتوا نفسكم فاضين روحي معهم لغرفهم وابدئوا تعزيل الغرفة والتخلص من اللي ما يبونه واعادة الترتيب لانها اكيد حايسينها - ترتيب الدواليب واحسن دولاب يختار صاحبه العشاء لهذا اليوم ... قصي عليهم قصص من طفولتك وكيف كانت مدرستك وحياتكم ترى اكتشفت ان الاطفال يستهويهم هذا الشي مررة وممكن انتي تمررين رسائل كثيرة وحكم عن طريق القصص ... وترى الطفل انعكاس ومرآة لك .. اذا شافك طفشانة صار هو طفشان شافك سعيدة ومنتعشة وراضية بحالك حتى هو بيصير كذا لذلك لازم ننتبه جميعا لتصرفاتنا وحالتنا النفسية والمزاجية صادقين اللي يقولون الطفل يربيك مو انت اللي تربيه :)