يارب ضاقت علي الارض بما رحبت

هلا اخواتي


انا صاحبة هذا الموضوع
http://forum.hawaaworld.com/showthread.php?t=2065571

طبعا احس اني مخنووووووووووووووووقة

تعبت ومليت من حالي

تصدقون توني جاية من سفر وطول السفر وانا اوسوس ومعصبة ومقهورة

تعبت من الدعاء

بس مو اي دعاء دعاء على الناس

ادعي على اختي ادعية قوية لاني انقهر اذا شفتها ماتعاني مثلي

لدرجة وصلت معي ادعي على امي

من اشوفها احس انها سبب اللي انا فيه

ودايم تعصب علي من قلت لها عن حالتي

اهلي كلهم صرت اكرهم مرة مرة مرة

مالي نفس لهم

الحياة صرت ماارغب فيها

تخرجت توني والحين انا في البيت

اذا فكرت اخذ دورات مااقدر لاني اوسوس بكل شي واشيل هم

وبعدين اقول ليش وش الفايدة

بكرة بقعد في البيت

تبت وانا افكر في بكرة

احس اني مراح اتزوج ومدري كيف بتصير حياتي

واقول وش الفايدة اذا تزوجت الرجال دايما مايقدرون المراة

وش الفايدة اذا جبت عيال

حتى الدعاء والاستغفار

موقادرة عليه

احس اني خلااص

مهما اسوي مراح يفيد فيني شي

فيه اخت لي في المنتدى ماقصرت تواصلت معي في الجوال

لكن احس انه مافي فايدة

اللي في مخي بيصير

والله تعبت

مابي اشوف احد

مدري وش بيصير لي بكرة

وش بسوي

احس الامور اللي بوسوس فيها تطلع معي بالغصب

يعني احاول اعيش طبيعية لكن غصب عني يصير شي يكدرني


ابي اعرف هل انا طبيعية او مجنونة ؟

احس اني مو من الكرة الارضية

اااااااااااه بس

الحمدلله على كل حال