زاد القلب

زاد القلب @zad_alklb

عضوة جديدة

حفرت قبرا.....فانقلب حياتها!!!!

نزهة المتفائلين

بسم الله الرحمن الرحيم


ايش اخباركم بنااااااااات ان شاء الله بخير .........

بصراحه في وحده من قريباتي صار معاها موقف في طفولتها وهي ما قدرت تنساه وتقول لي انه قلب حياتها رأس على عقب وطلبت مني اني اساعدها ... بصراحه الموقف محير وحيرني معه وقلت ما في غير اطرح الموضوع ع المنتدى الغالي :27:



طبعا قريبتي عاشت طفولتها مع اهلها في احدى القرى ولكن.......خارج السعوديه
لما تزوجت واحد من عايلتنا جت السعوديه وصارت عايشه بينا


المهم .... في قريتهم كان من فتره لاخرى يجون فقراء ويطقون البيبان يطلبون ولو قطعه صغيره من الخبز وكانت هي من النوع المعطاء تعطيهم اللي يبون من غير حساب لدرجه في مره امها هاوشتها على هالشي هي ما تمانع انها تعطيهم بس بمقادير معينه محسوبه


وفي مره من المرات في الصباح بعد ما افطروا فجأة انطق الباب راحت تفتح طلعت وحده فقيره
بس هالمره ماتسمع ولا تتكلم ........


وبعدين قالت لي :"وبدت تسوي حركات بيدها (لغه اشاره)واللي فهمته منها انها تبي أكل ولو شي صغير
وحنا وقتها تونا بنبدا نسوي الغدا يعني ما في شي جاهز اقدر اعطيها لها فقلت لها يلا روحي ما عندنا شي نعطيه لك وهذيك المرا لزمت علي الا واعطيها اي شي
وكان من العاده اذا رفضتي تعطين لهم شي يروحون من عندك ويطقون ابواب ثانيه من غير ما يزعلون
(يعني روتين متعودين عليه)
بس هذي زعلت وراحت جلست ع الارض بعيد عني شوي وبيدينها صارت تحفروتجمع بالتراب وهي زعلانه ومعصبه وسوت بيدينها ع التراب شكل يشبه المقبره وهي معصبه وكانت تأشر علي وبعدين ع الشكل اللي سوته وهي تناظرني بحركات سريعه ومضطربه وبعدين راحت ........وانا صايره متجمده في مكاني افكر بالموقف اللي صار وقتها انفزعت وخفت كثيييييير ما ادري وش كان قصدها وما صحيت الا ع صوت امي وهي تناديني ....انا ما قلت حق احد باللي صار لي .. وفي حياتي ما نسيت الموقف ابدا ودايما اتذكره..."


وياليت لو القصه انتهت هنا المسكينه حياتها كلها نحاسه بتعاسه دايما اسمع انها اكثر وحده في عايلتنا صابره ومحتسبه زوجها عنيد وعسر وعصبي جدا ما يفكر فيها ولا بمصلحه عيالها وامورهم كلها واقفه لا عيالها متوفقين وبناتها قاعدين بالبيت ما جاهم النصيب ابواب الخير دايما تتقفل في وجيهم كل ما حاولت انها تقاوم او تغير مجرى حياتها للافضل تلف الدنيا فيها للوضع الاولي حياتهم واقفه حتى رواتب عيالها ما يكفيهم



مع انها والله وانا اشهد انها حرمه طيوبه على قد نياتها ما تدخل بأحد وما تتعمد تسوي مشاكل مع احد ومن يوم ما عرفتها وهي دايما ملتزمه بالصلاه والدعاء وقيام الليل والاستغفار

بس حالها ما تغير مثل ما هو والحين عيالها اكبروا ويا حسره عليهم ما اخذوا شي من هالدنيا


بصراحه وضعها متأزم كثير وحالتها حاله وحتى انا ما اقدر اشوفها الا بالمناسبات الرسميه فقط وما اقدر ازورها الا نااااااااااادر جدا لان زوجها ما يرضى يزوره احد ببيته ولاني اخاف منه ...

واذا بغيت اطمن عليها اكلمها بالتلفون بس زياره يا ليت لو اقدر......

ودايما تقول لي الموقف اللي صار لها كان صدمة حياتها وتحس انه بسببها انقلب حياتها كلها

تتوقعون هل الحرمه هذيك هي السبب وهذا اللي سوته ايش معناااااااااااااه؟؟؟؟؟؟؟؟

وكيف ممكن انها تصلح حياتها وتعيش مرتاحة البال؟؟؟؟


طلبتكم يالنشميات قولوا لي كيف اقدر اساعدها؟؟ ............










8
1K

يلزم عليك تسجيل الدخول أولًا لكتابة تعليق.

تسجيل دخول

قمر نازل من سماء
شكلها كان تذكره بعذاب القبر والله اعلم الله يفرج همها
الوحدة حياتي
الوحدة حياتي
شكلها كان تذكره بعذاب القبر والله اعلم الله يفرج همها
شكلها كان تذكره بعذاب القبر والله اعلم الله يفرج همها
نفس الكلام
نجود88
نجود88
الله يفرج همها وييسر لها أمورها
يارب سهل لهم ما عسر
وارزقهم من واسع فضلك وكل مسلم
زاد القلب
زاد القلب
يااااااابنات ردووووووا اللي تعرف شي
الله يوفقها تقول لي
احلام نوران
احلام نوران
لالا يمكن قصدها تدعي عليها بالموت

وهالشي مالة علاقة بحياتها كلنا عشنا حياة حلوة ومرة