باقتل زوجي يوم من الايام

الأسرة والمجتمع

السلام عليكم حوائيات بيتي بينهار وابغى مساعدتكم ونصائحكم
متزوجه وعندي اطفال وزوجي انسان سئ العشره يده طويله ولسانه طويل يلعن ويسب ويشتم انا وأهلي والكل يشهد في هالشي وكل مكان يتوظف فيه لازم يتمشكل مع مديره
غير هالشي يبيني اشتغل خدامه في بيت أهله مع العلم أن عندهم خدامه وإخواته موجودات وأمه ماشالله صحتها قويه وقايمه بالبيت
وقالها لي بصريح العبارة انه يبغاني أنزل اشتغل خدامه لأهله ويوم رفضت قال ليش وش فيها !!!!!!!!
المهم حياتنا كلها مشاكل بسبب لسانه وسالفه خدمة أهله
لدرجه انه صار يجبرني اطبخ وأنزل لهم الأكل لاني رفضت اخدمهم أهم شي انهم يرتاحون وصرت أرفض لاني انا بعد عندي بيت ومسؤوليات
كبرت المشاكل بيننا وكرهني وكرهته
واللي قاهرني انه هو أساسا مو معبر أهله وطول وقته يامسافر يابرى البيت اللي فهمته انه يبغاني انا أقوم بدور البر لأهله بداله! !!!!!!!
كثثثرت المشاكل وصار لنا فتره لايكلمني ولا اكلمه انام بغرفة وهو بغرفة وطبعا هو طردني من الغرفه وقالي انا باهجرك وروحي نامي مع أولادك ولاعاد اشوفك ،،،تدرون ليش هذا كله لاني سويت عشا لاخوانه المتزوجين وتجملت وتعبت وجاء اليوم الثاني قالي يلا سوي لهم عشا حتى اليوم ورفضت لاني ابغى اتجهز للعيد وهو يحب نفسه
اللحين انا مااطيق حتى صوته فالبيت بس مابغى اتطلق عشان أولادي وأهلي ماراح يستقبلوني أعرفهم
حاولت ارجع علاقتي فيه واشتريت هديه غاليه وقدمتها له بس للاسف بعد يومين نسي ورجع أسوء وأول مشكله واجهتني جاب مبلغ الهديه ورجعه لي قال مابغى هدايا منك انتي امراءه عاصيه،،،،واحنا من سنين مابيننا أي هدايا أو رسايل أو ود من كثر المشاكل يمكن مانصفى غير يوم فالشهر بس.....
صار يدور فالبيت ويدور على أي زله يمسكها علي وانظف واخلي البيت تفوح منه ريحة النظافه ويجي يقول اش البيت الوصخ هذا اقوله وين الوصاخه يطلع شي تافه ماينذكر بس ينكد عليه
والله العظيم حتى الثلاجة يجلس يحوس فيها عشان يلقى شي خربان ويمسكه علي تعبت وانا اربي أولادي لوحدي تعبت وانا انظف ويجي ينكر ويجحد تعبت وانا صابره على لسانه واسلوبه صرت اذا شفت اثنين متزوجين يضحكون ويسولفون مع بعض ابكي بحرقه وأقول ماشالله أخاف احسدهم
تعبت منه وحاسه انه يدور أعذار يبي يتزوج
يفرض عليه كل شي ويحملني فوق طاقتي ويقول لاتناقشين ولاتتكلمين نفذي وبس
أخواتي دايما متجمعين عند أهلي وانا يرفض يوديني
يعني يااصير ذليله عنده وعند أهله أو اتطلق!!!!!!
أهله يحبوني واحبهم ومايرضون علي وشكيت لهم أكثر من مره بس مايفيد معاه شي
وللعلم هو كان متزوج قبلي وقالت سبب طلاقها انه يبيها عببببده بصريح العبارة
59
13K

يلزم عليك تسجيل الدخول أولًا لكتابة تعليق.

تسجيل دخول

يغار الحلى 3
يغار الحلى 3
الله يفرج همك و يصبرك يااارب .. عليك ب كثرة الاستغفار و الدعااء ..
و عيشي ل نفسك و لاطفالك دامك ماعندك نية طلاق والله يعين هذا حال الدنيا هم كذا الرجال طبعهم لازم الوحده تقوي نفسها و ماتنزل دمعتها لانها لو نزلت مره خلاص الشخصيه تنهار ...
و اصدقي بنية صفاء قلوبكم و وجود الموده بينكم
يغار الحلى 3
يغار الحلى 3
اصبررري لا ترادديه بالكلام و بعض الاحيان تنازلي قوليله ابشر و من عيوني مشي الوضع .. الله يسخره و يهديه لك
حلاتي هبالي 1416
حلاتي هبالي 1416
لا يمكنك مشاهدة هذا التعليق لانتهاكه شروط الاستخدام.
انتي شوفيك كل موضوع تهزء فيه هي طلبها المشورة مولستهزاء الله يهديك
مزاجيه%
مزاجيه%
لا يمكنك مشاهدة هذا التعليق لانتهاكه شروط الاستخدام.
مافهمت
مزاجيه%
مزاجيه%
كيف اهله طيبين ويحبونك وهويفرض عليك خدمتهم..
مااعتقدهالخسيس الانتاج تربيه اهله..
الحل ..اذااستحالت العشره وانقلبت جحيم..معروف وواضح..وحتي لوتنازلتي وصرتي عبده بيروح يتزوج حره ابيه ..
هم كذايدوسون الحريم لين يصيرون عبيد..بهدكذايدوروحده حره