منه وفيه

منه وفيه @mnh_ofyh

عضوة نشيطة

نفسي اكون مثلها.... بنفس الاراده

الأسرة والمجتمع

سلام لجميع بنات حواء..
الموقع لازم اتصفحه كل صباح مع ايميلي والعربيه...

جايبه لكم اليوم قصه وحده اعرفها هي معايه في الغربه (امريكا) (وهي قايله لي اكتبها هنا لتعم الفائهده لان صار ماعندها وقت)

هذي يابنات سلمكم الله.. وحده جات على امريكا مع زوجها لتكملة دراسته.. واصلا هو ماكان يبيها تجي معاه بس اهله قالو له خذ زوجتك توها عروس معاك وعشان تونسك في الغربه (زوجها طبعا ماكان يبيها تجي معاه كان عنده ونيس :16: غيرها)
وماكان يصلي
البنت صارت صاحبتي وكانت دايم تكلمني واحسها حزينه وتقول ان زوجها يطلع الصباح الساعه8 ويرجع 12 الليل واحيان يتصل بس مره او مرتين يتطمن عليها..

انا قلتلها الدراسه هنا صعبه واكيد زوجك يكون مشغول وشرحتلها ان زوجي نفس الشي... قالت لي انه يرجع مره مبسوط وينام ولا يسولف معاها ولا شي.. وهي كانت توها صغير ومالها الا شهر متزوجه.. بعد فتره حملت.. وولدت وتغير جسمها..ولا صارت تهتم ولا شي.. لماترجع السعوديه يقولها اجلسي هنا انا برجع لوحدي..بس كانوا اهله يغصبونه انه ياخذها معاه...

المهم مره صارت مشاكل بينهم.. وكلمتني وقالت خلي زوجك يحجز لي انا برجع السعوديه.. رحت لها وهديت نفسيتها وقلت كلنا يصير لنا مشاكل.. قالت انا مشكلتي غير...زوجي تعدى الحرام والعيب..

بعد كذا كلمت اهلها قالوا لها مانبي بنتنا ترجع مطلقه.. وجبروها تجلس عند زوجها..


بعد فتره كلمتني قالت انا قررت اعيش لولدي وبس.. وبغير حياتي ولا عاد بهتم في زوجي.. اللي دمر حياتي..

جات الدراسه وانشغلت عنها صرت اكلمها يمكن في الشهر مره.. و4 شهور ماشفتها..

بعدين يوم من الايام عزمتني البيت,,,, وهنا كانت المفــــــــــــــــــــــاجأه..

والله ماعرفتها ايش جسم ... ايش بشره... وشعر جنان... البيت نظافه .. الولد يفتح النفس... الاكل والقهوه... يابنات شي مو طبيعي... رحت ورجعتمن عندها وانا ساكته مااتكلم من الصدمه...


اليوم الثاني كلمتها قلت انتي وش مسويه بعمرك...
قالت انا قررت اني اعيش حياتي ولا اهتم بواحد مايخاف الله فيني وفي ولده...

قالت لي انها سوت ريجيم ونقصت 18 كيلو وصارت تهتم في بشرتها وشعرها.. لان عندها وقت زوجها طول اليوم برى..

وتشتري ملابس واغراض ن طريق النت وتوصلها لحد البيت..

تقول زوجها شاف الفرق.. وبدأ يتغير تدريجيا... احيانا يرجع بين الدوام يتغدى ويجلس معاها ساعتين وصار يرجع بدري

كان يرجع البيت الساعه 12 صار يرجع 9 وبعدين صار يرجع الساعه7 بعد المحاظرات واذا عنده دراسه يذاكر في البيت....

وصار رومانسي وهدايا وسفرات... تقول تغير 90 درجه مازالت مستمره... تقول يوم من الايام دخل البيت وهي كانت تصلي وولدها جنبها يصلي(عمره 3 سنوات).. ماقدر يتحمل الموقف على طول رمي نفسه عليها وعلى الولد وصار يحضنهم ويبكي.. ويعتذر منها ويقول سامحيني... قالت له اطلب السماح من ربك مو مني...:06:


صار ماشاء الله يصلي.. بس مابينت له انها ميته عليه وانها مسويه كل هذا عشان يتغير صارت تتصرف عادي معاه.. وتسوي كل واجباتها الزوجيه..


يوم كلمها من الجامعه قالها( انا احبك من قلبي) اول مره من3 سنوات يقولها انا احبك تخيلوا....ز



هي حبت تطرح قصتها عشا يستفيدوا منها البنات... يعني ارضي ربك وعيشي حياتك.. لا تدفنين نفسك بالحياه عشان شخص ثاني سواء زوجك او اي احد مايعرف قيمتك... صلي وصومي واذكري الله.. اهتمي في نفسك وبيتك واولادك..قومي بواجباتك من غير تقصير...... وهنيئا لك الجنه


ماشاء الله تبارك الله,, الله يهنيها ويحفظها


انا غير.. لما يزعل زوجي.. تتسكر كل الابواب في وجهي .. الحمدلله والشكر
36
2K

يلزم عليك تسجيل الدخول أولًا لكتابة تعليق.

تسجيل دخول

( قلب صافي )
( قلب صافي )
الله يعطيك العافيه
لا يصح الا الصحيح
pink fo0ofo0o
pink fo0ofo0o
ماشاء الله
ღزيـ أم ـادღ
ღزيـ أم ـادღ
الله يهنيها ويهدي زوجها للطريق المستقيم
الصـافنات الجيـاد
جزاك الله خيرا اختي

R0mAnCe DrEaMs
R0mAnCe DrEaMs
ماشاءالله
مشكوووره