وهاذي قصة ولادتي بعد وهن تسعة أشهر الحمد لله

الحمل والإنجاب

السلام عليكم ورحمة الله وبركاته
اول شئ احب اسلم على كل الحوامل واقول لهم الله يقومكم بلاسلامة
وثانيا كل اللي ولدوا مؤخرا الله يساعدكم انشاء الله ويقويكم ويعطيكم العافية :42:
قصة ولادتي بدأت يوم وصل موعد ولادتي وطاف قلت شكلي مطولة
ومع اني كنت انتظر هاليوم بسرعة وعلى احر من الجمر ومن طاف صرت ما اهتم وقلت اي وقت يبي يطلع البيبي حياه الله
وصرت اطلع وارورح واجي وما كانت تجيني بوادر ولادة واضحة
وبعد يومين من تأخر موعدي حسيت بآلام خفيفة
وبدت تنتظم على الساعة تسع بالليل
المهم اني بديت اشرب الدارسين والزعفران وكل هالسوالف
وطرت الى المستشفى طيران ويوم وصلت الممرضة الهندية الله يجازيها :eek: قالت لي توك سانتي واحد مع اني طلقي كان منتظم كل خمس دقايق لكن كان مثل ما يسمونه بارد
رجعت البيت وظليت اعاني الى الساعة 3 الفجر وبعدها بديت اشوف الدنيا سودة :eek: ومب مستحملة الألم صحيت زوجي من النوم ووين :22: جري على المستشفى
ولما شافتني نفس الممرضة كشرت بوجهي وقالت لي انتي مرة ثانية <<<< ما ادري اش فيها الظاهر مستشفى اهلها وآنا ماا دري
المهم عصبت وشوي وكنت ببكي وقلت لها اني تعبانة كثير وما اقدر استحمل الألم وانه بيتنا بعيد وما اقدر اروح وارجع مرة ثالثة المهم فحصتني وقالت لي انه صار 2 سانتي
قلت لها انزين رقدوني عندكم قالوا انه ما عندهم غرفة ولادة فاضية
:( وانه اذا كنت مستعجلة وما اقدر استحمل بيحولوني على مستشفى ثاني
ورضيت شسوي الموت او المستشفى الثانية المهم وصلت المستشفى على الصباح وعاملوني معاملة وايد زينة ولبسوني ثياب الولادة ودخلوني الحجرة وضليت اعاني مع الطلق الى الساعة عشر ونص تقريبا
وكنت كل شوي وافرغ الله يكرمكم والأسهال لا حول الله ولا قوة رايحة ورادة الحمام
المهم جتني الممرضة وركبت علي سيلان وقالت لي انه وصلت الى اربعة سانتي
وبس راحت زاد الألم مرة وحدة وقمت افرغ وانفجرت المشيمة :09:
وقمت اصرخ عليهم لحقوووووووووووووووووووووووووووووووووووووني
بمووووووووووووووووووووووووووووووووووووووووووووووووووووووووت
خخخخخخخخخ
وجتني الممرضة الهندية تقول لي اش فيك صار لك ساعات وانتي هادئة ومستحملة الطلق ولا تصرخي
ومرة وحدة انفجرتي <<<< مسكينة كنت خايفة
وتجمعوا علي الممرضات بالعدة مالتهم مقصات وخيوط وسكاكين كأنه حرب ومجزرة
والباقي كان مثل الحلم
وما شفت الا طلعوا مني البيبي وقالوا لي جبتي صبي وتفاجأت :arb: لأنه ما كنت اعرف نوع الجنين
وكنت متوقعة بنت من كثر ما يقولون لي كل الناس شكلك بتجيبي بنت
الحمد لله على كل حال نسيت ما اقول لكم انه هاذا اول مولود لي بس شكلكم عرفتون
المهم بعدها بدأول بمشروع الخياطة :22: اللي لا حوال الله كان الشق كلش طويل الظاهر من كثر ما كنت اتعصر زاد الشق بس الحمد لله ضربتني ابره تبنيج موضعي وما حسيت بالألم كثير
وبعدها نقولني الى غرفتي وكنت مثل الحلمانة وكان راسي يطير في الهواء وما اسمع واضح
وتفكيري مشوش :22: كانت حالتي مأساوية بس كنت فرحانة ونسيت كل هالاشياء
الحمد لله الحين مر علي شهر تقريبا وفرحانة مع البيبي مع انه السهر شوي متعبني
هاذي قصتي شكلي طولت عليكم بس السموحة
عقابلكم انشاء الله :26:
40
5K

يلزم عليك تسجيل الدخول أولًا لكتابة تعليق.

تسجيل دخول

Rolaatee
Rolaatee
ألف مبرررررررررروك..بس ما عرفنا اسم البيبي الله يخليه:04:
زهرة فنلندا
زهرة فنلندا
الف مبروك وحمدلله على سلامتك
يتربى بعزكم العريس الصغير
ميرندا فراولة
اسمه علاوي حبيبتي
UM ALREEM
UM ALREEM
ألف مبروك و الله يجعله الولد الصالح لدينه و لأهله ..
و الحمد الله على سلامتك و سلامة علاوي ..
أم الريم ..
Fullah
Fullah
ألف مبروك
و الحمد الله على سلامتك و سلامة علاوي