خطب خالد بنتا أسمها خلود وخطب سامي بنتا اسمها سامية وتزوجا في أسبوع واحد
كان بينهما توافق في أمور كثيرة فيما يخص تصرفهما في أمور الزواج حيث كانا يتبادلان الرأي
استأجرا وحدتين متجاورتين بنفس السعر ( 18000 ) ومستواهما المادي السابق واحد حيث تزوجا بعد سنة من التعيين وأخذا قرضا من البنك بمبلغ واحد للمهر وتجهيز المسكن
ودفع كل واحد منهم خمسين ألف ريال مهراً
أما خلود وسامية فتباينا في صرف المهر وطريقة الزواج وإليكم الاختلافات ولتأخذ كل عروسة مستقبل ما تراه حسب رؤيتها للإيجابي والسلبي
سامية ولأجل صديقاتها يفرحن وحتى لا تكون أقل من غيرها طلبت أن يكون الزواج في صالة أفراح بتكاليف قدرها خمسة وثلاثون ألف ريال ما بين بوفيه مفتوح وحلويات ووووو
وفساتين واكسسواراتها بعشرة آلاف وذهب وخلافه بـ .... إلخ
المهم أن التكاليف زادت عن المهر ودفع الوالد من ماله الخاص عشان يغطي ويبيض وجهه عن المعازيم
لم تهتم كثيراً بما يخص الزوج من ملابس نوم وعطور وبجامات بيت وهدايا للزوج
777777777777777
الأرباح : كم وحدة قالت يازين عرس سامية
777777777777777
الخسائر :
1 – راحت الفلوس
2 – تعب الأهل بالإعداد للعرس وبعده .
3 – كم واحد ووحدة حضروا العرس مانين بحضورهم يقولون حنا تاركين عروس غيركم عشانكم .
4 – كم واحد وحدة نقدوا بعض الأخطاء في الإعداد .
5 – كم واحد وحدة تمنوا أنهم سلموا من هالعرس خساير وروحات وجيات وترجيع وخياط
6 – الوالد أحيانا يذكر مصروفاته على العرس بين كل فترة وفترة .
7 – كم واحد وحدة زعل وشره لأنهم ناسين يعزمونهم .
8 – كم واحد ووحدة شرهوا عليهم لأنهم ما حضروا العرس .
البنية بعد أسبوع راحت السكرة وجاءت الفكرة كما يقولون تقلب أبواب الدولاب وتشوف هالملابس الخشنة وما تلقى لبس بيت تلبسه وتغير فيه لمن يستق الاهتمام ... مضطرة تروح للسوق تشتري بس مستحية وبعد أسابيع تضطر أنها تروح للسوق وتشتري وتستجدي زوجها اللي راتبه موزع على آجار البيت والأقساط والمقاضي
##############
أما خلود ركبت راسها وقالت لأهلها : المهر لي ولا أبي حفل زواج اذبحوا ذبيحة وقولوا للزوج يجي هو وأهله بس .
77777777777
الخساير : مجموعة بنات قالن : تشششش مافيه عرس ؟>> وانتهت
7777777777777
الأرباح :
1 – بقي عندها مبلغ جيد من المهر .
2 – ارتاح الأهل من الإعداد للعرس وما بعده .
3 – سلموا من منة بعض الناس اللي يحضرون العرس ويقولون حنا تاركين عروس غيركم عشانكم .
4 – سلموا من النقد لبعض الأخطاء في الإعداد لو حصل .
5 – كم واحد وحدة فرحوا أنهم سلموا من هالعرس خساير وروحات وجيات وترجيع وخياط وقالوا الله يوفقهم .
6- اشترت هدايا حلوة لزوجها وقدمتها ليلة الزواج .
7 – ملابس النوم والبجامات أنواع وأشكال .
8 – سلم زوجها من طلباتها سنة كاملة .
9 – الوالد مبسوط وما خسر شيء ويدعي لبنيته كل ما طرا طاري .
10 – كل ما بين فترة وفترة تشتري هديه لزوجها .
11 – تهدي لصديقاتها متى ما أرادت .
12 _ سلموا من الشرهات وفكوا الناس من شرهاتهم هذا عزم وهذا ترك وهذا حضر وهذا ما حضر وقلوبهم على الناس ومن الناس صافية .
بعد سنة من الزواج
جلس خالد وسامي
خالد : وين تسافر هالصيفية ؟
سامي : وش أسافر داج ما عندي شيء والمره مشغلتني وأنا أتعذر بالدوام .
خالد : غريبة وراك تلعب براتبك ؟
سامي : لا والله بس تخبر مقاضي المره والبيت ؟
خالد : البيت معقول بس أي مقاضي للمره والدولاب مليان ؟
وقبل ما يفترقون يطلب سامي من خالد إن زوجته ما تدري بسفرهم حتى ما تحرجه لأنه ما نوى يسافر بزوجته .
في المكتب يستشير أحد الزملاء خالد في الزواج وتكاليفه فيشجعه على الزواج ويمدح له بناتنا إنهن بسيطات وتحرص الزوجة على التوفير وإلا يستمع للإشاعات اللي تنفر من الزواج وتكاليفه
يخرج خالد ويستمر الحديث بين الزملاء عن الزواج فيدخل سامي فيقول له الزميل هاه ياسامي وش رايك ؟
سامي : فك روحك واستمتع بشبابك تراي ورط بالتكاليف والديون .
بعد سنوات
خالد يجمع ما يفيض عن حاجته وسوى له مشروع صغير وتطور وصارت أموره مع الراتب ممتازة ومبسوط بحياته مع زوجته خلود
أما سامي فهو من دين لدين ودايم يشتم ويسب وحياته مع زوجته على الكفاف
.................... تعليقي
طبعاً وعشان نصير واقعيين فيه أسباب جعلت فروقات في المستوى المعيشي بين سامي وخالد
1 – سامي اضطر واستلف في السنة الأولى إضافة لقرض البنك وهذه قاصمة الظهر لأنه في بداية التأسيس بسبب عدم تعاون زوجته معه على نفسها لأنها لا تمكلك شيء مما جعل الديون تتراكم عليه .
2 - تصرف خلود استمطر بركة الرحمن لتركها الإسراف وتقصدها رضا زوجها ودعاء مجموعة من الناس الذين سلمتهم من المشتريات لزوجاتهم وبناتهم لو وضعت حفل .
3 - استطاع خالد بسبب توفير زوجته له في السنة الأولى أن يسلم من تراكم ديون مما جعله يوفر رأس مال لمشروع صغير إضافي .
حيوا معي خلود
منقول:39:
يعني احس فيه مبالغه في الموضوع مع انو انا مع العرس العائلي وان شاءالله زواجي راح يكون بسيط..دعواتك