![([امووونه])](https://cdn.hawaaworld.com/images/user_avatar.png){kind=avatar}
حبيت أنزل لكم هالحلى على شكل توست رووعه الله يجزاها خير اللي نزلته بالمنتدى طبعا انا اخذته من المنتدى بس ماني فاكره من اللي نزلته
وهذي صورته
المقادير زي منتو شايفين بالصوره
كاس وربع حليب بودره
علبة قشطه
فنجان سكر
3بيض بس انا اللي عندي كبير فاكتفيت بثنتين
نصف كاس زيت
ملعقه باكنج
ذرة فانيليا
الحشوه زي اللي بالصوره
نصف كاس حليب بودره
نصف كاس سكر
علبة قشطه
4جبن مثلثات انا ماكان عندي الا حبتين فاضفت ملعقتين جبن سايل بس لذيذه
الطريقه نحمس الحليب على النار لحد مايصير لونه ذهبي ثم نخلط باقي المقادير بالخلاط ونضيفها على الحليب المحموس ونخلط ثم نصب ثلثين الخلطه بالصينه ونترك ثلث الخلطه يعني اللي تركناه اقل من اللي صبينها ونحمرها من تحت وفوق لحد ماتنضج واترككم مع صور
نضع بالخلاط مقادير الحشوه كلها ونخلطها ونصبها فوق الكيكه وندخلها الفرن من فوق بس لحد ماتتماسك وتتحمر شوي
ثم نضيف لثلث الخلطه الاولى ربع كوب مويه ملعقه كبيره دقيق كويتي واذا شفتي انها تحتاج مويه اكثر زيدي الين تصير خفيفه نوعا ما مو مره بس عشان تنفرد فوق الطبقه الثانيه وندخلها الفرن من اعلى فقط
طبعا نقطعه على شكل مثلثات زي التوست صاحبة الطريقه تقول انه يشبه التوست بس التوست لونه ابيض او اسمر مافيه بني فأنا شبهته بالآيس كريم ساندويتش احسه نفسه واترككم مع الصور
وتلذذي بالطعم صراحه رووووعه جربوها ماحتندمون
لاتحرمونا من الردود الله يجزاكم خير