جد جد اخجلتي تواضعي حبوبتي
وربي يجزاك خير على همتك ويانا وتعبك والف شكر
ربي يحفظك وتسلم يمناك
وان شاء الله يكون فاتحة خير علينا كلنا

الكالسيوم لاتنسون فايدته لنا احنا الحريم وخاصة بعد الزواج ومع الحمل والرضاعة
المشكلة مايبين لنا التعب الا بعدين ..فلا تتركين نفسك فجأة تتعبين وعظامتك تصير هشة واحنا بهالعمر الصغير
الحليب ..خالي الدسم ممتاز...واللي ماتحب طعم الحليب عندها اللي بالشوكولاه او بالفراولة او بالموز واهم شي تتأكدين من غير سكر (في عصاير مافيها اضافات سكر مثل المراعي يعني سكرها منها وفيها ) كله مفيد صراحة ويريح المعدة انصحكم فيه بنات لا يمر يوم وانت ماشربتي كوب حليب
اكلنا يابنات وايد ضار اتصدقون؟!!

ليش مانجرب ناكل اكل صحي ومفيد...وحلو بنفس الوقت
اكيد في اكل صحي ومفيد حلو بنفس الوقت مو معقولة انه كل شي صحي مو حلو
فلازم نحاول ناكل اللي يفيدنا ويفيد صحتنا وبشرتنا وشعرنا

نحاول نضيف الماء والحليب وعصير البرتقال والتمر والخضار (الجرجير البقدونس البصل الثوم الخيار الطمااااااط وغيرهم وغيرهم)والفواكه اللي نحبها وتسد جوعنا يوميا في نظامنا الغذائي
ونوزعهم خلال يومنا
يعني الصبح نبدا بالماء وبعدين خلال يومنا نضيف كوب عصير برتقال والتمر ويتخلل الغدا الخضار
وبعد العشاء في فترة مابعد ال6 نقدر لما نجوع ناكل فواكه مفيدة مثل الاناناس
وقبل النوم نشرب كوب الحليب الخالي من الدسم
والحليب مفيدددددددددد قبل النوووووووووووووووم
وياريت تصاحبه تفاحة يوميا نحاول..والله يابنات لو تعرفون فوائد التفاح ماتخليتوا عنه يحمينا من الامراض ويساعد بنزول وزنا
على قولة الانجليز an apple aday keeps the doctor away

اهم شي صحتنا بالمقام الاول يابنات

والامور اللي ذكرتها فايدتها عظيمة واحنا اهم شي من خلال التخفيف شعرنا ما يتساقط وبشرتنا ماتبهت
مايهمني الضعف مقابل نضارة بشرتني وشعري صراحة كثير من ربعي اتبعوا رجيمات مثل الكيميائي وانحفوا بس شالفايدة والله وجهم امتلى تجاعيد وبهتت بشرتهم وشعرهم تساقط
يعني ليه نخسر اشياء مقابل شي واحد
ليه مانحافظ عليهم كلهم بنفس الوقت بطريقة سهلة ومفيدة


هذي مشاركة قديمة لي وللحين احب اصر على اهميتها وفائدتها العظيمة انا احب افيد اي بنت بمعلوماتي المتواضعة واي حد فيكم عنده معلومة حلوة ياريت يضيفها لنا يعني انا تعلمت كثير والله من مشاركات بنات المنتدى اخذ من موضوع فايدة وغيره فايدة واجمعهم وتصير مجموعة فوائد رااائعة... بنات كل وحدة كم صار لها تعاني مع المتن هل هو من الطفولة؟؟ مثلي:icon33: ؟ او فترة مراهقة؟ او بعد الزواج؟ وليش؟..بالنسبة لي الاكل اللذيذ متوافر وساعات الفراغ كلها اقضيها قاعدة ولا هواية ولا رياضة ولا حاجة يعني اكل ومرعى وقلة صنعة :f226: ..الحركة بركة ولي رجعة وفضفضة ثانية ..انتظر فضفضتكم وتجاربكم
احبكم في الله

كلامك صح%

انا ماشية عليه

بسسسسس فطور الملوك للاسف ملغى عندى

بحاول الحق عليه ههههههه

بعدل نومى ..

الله يعطيك العافيه

جزاك الله خير

فطور الملوك ليش؟!! قلت لكم كذا ياترى؟؟ الايض او المتابولزيم او نظام الحرق يكون نايم معانا اول ما نصحى لازم نعطيه دفعة قوية علشان نشغله ..ولما يشتغل على طول بيحرق وجبة الفطور الدسمة وبعدها ب3 ساعات تاكلين وجبة ثانية الا وهي التصبيرة (بسكويت دايجستف او فاكهه او خيار اللي رجيمك ماشي عليه) وكأنك تعطينه دفعة ثانية يتم يحرقها
لكن اللي بتم طول اليوم ما تاكل الا وجبة ماااااااااراح تنزل لان نظام الحرق بطييييييييييء جد
ولي رجعة بخصوص نظام الحرق عند الانسان واهمية معرفة استغلاله

صباح الخير يا احلى منتدى
اولا صحيت بدري اليوم ابي اعدل نومي على اساس لما نومنا يتعدل اكلنا يتعدل ،السهر دايما يخلينا نفكر بلذة الاكل..الا بيتزا الا كافي الا شوكولاة الا شبس الا حب مانعرف لازم شي يحسسنا بالوناسة
اول ماقمت قلت الاذكار طبعا وانا على السرير..انا انسانه تعذبت من العين والله واعرف ان العين حق وان الاذكار هي الوحيدة بعد رب العالمين تحفظك من العين
وابدا اشرب ماء
كنسلت غرشة الماء الصغيرة ..شريت كبيرة 1.5 واشرب منها طول اليوم واحاول اخلص غرشتين
طبعا هذا صار على مدى شهوووووووور ..بديت بكاسين عقب 3 عقب 4 شوي شوي لحد الكبد ما يتعود على الماء ولحد ما جسمك يتعود بعد اول الايام كله في الحمام لانه جسمك ينظف من السموم وبولك اعزكم الله ينظف وتتخلصين من الالتهابات وتحافظين على نظارة وجهك وشعرك وكليتك حتى سبحان الله قريت في احد المراجع ان الماء يساعد في تمدد العضلات ومرونتها يعني اللي عندها المفاصل او لما نسوي رياضة وركبتنا تعورنا من الخشونة ..حتى عضلة الشرج اعزكم الله ..يخليها كثرة الماء بالجسم تتمدد وبالتالي تنسين شي اسمه امساك كل ما الجسم جاف تكون جافه بعد سبحان الله
(وجعلنا من الماء كل شيء حي) شوفي وجهك عقب كم يوم من شربك للماء كيف يصير طررررري ومرتاح وايضا الماء يخلص البشرة الدهنية من كثرة افرازاتها ..لان الدهن تقل نسبته بالجسم ويحل محله الماء ..صدقوني امراض كثيرة بتنحل لو بدينا نشرب ماء يكفي حاجة الجسم
وخاصة احنا الخليج جسمنا حار وجونا حار ..لازم دوم نرطب جسمنا بشرب الماء
شوفي شعرك بعد ما تداومين على شرب الماء
سبحان الله لولا الماء تحسين شعرك مايطول والله انا صديقتين عندي ماااااااااايحبون الماء وضعاف مرة وجسمهم مب حلو وشعرهم ما يطول وجاف ووجهم كله حبوب ..والدكاترة ينصحونهم بالماء بس هم ما يحبونه لحد ما بدوا يحسون بالالم في كليتهم لانه نسبة الاملاح تكون قوووووووووية ومركزة فتسبب التهابات الكلية واعوذ بالله بعدين تسبب حصى الكلى اجارنا الله واياكم
واحنا مش معودين جسمنا يتعرف على العطش..العطش للماء ..جربي عودي نفسك على الماء وبعد كم يوم بتفرقين بين عطشك للماء وجوعك وفعلا سبحان الله حسيت بهذا الشيء


انا قمت من النوم..صراحة افكر ..
اقول..ياااااااااارب عطنا القوة والحيلة علشان نقدر نضعف
لازم ارتب يومي..علشان يكون بين كل وجبة على الاقل 3 ساعات ..
لازم استمر لازم ..مابي بنتي تكبر وتشوفني قدوتها ..لا
اتصدقون بنتي ما اجبرها على الاكل..متى ماحبت تاكل...الا اذا زودتها وشفت انها ماكلت طول اليوم أحاول أأكلها بالطيب ..مش بالغصب واقنعها بان شعرها وخدودها ..يعني احاول اخليها تتحمس شوي
انا تربيت في بيت الاكل دوم متوافر واكل لذيذ وبهارات وفلفل ..او حلويات الجدة وشبسها ..والدكان وحلويات الدكان وشبسه وكافيه ..يعني كل شي حولي اكل في اكل ..قعدة اكثر شيء بالبيت
امي الله يرحمها من الامهات الحنونات اللي كانوا يفتكرون انهم لو وفروا هذا الشيء يعني انهم امهات درجة اولى ..كانت تفتكر انه عيالي لما ياكلون اهم بخير ويرتاح بالها وطبخها الله يرحمها لذيييذ
تخيلوا من وانا عمري تقريبا 7 بدا المتن وياي شوي شوي وكنت احس بالمتن ومعاملة اقراني لي ..في المدرسة دايما يكون اكثر مكان تحسين بالضغط...والاهل ..وتعليقاتهم..كأنك كبت ما تحسين ينادونك يالدبة ..فيلوه..همبرجر...مع اني مش دبة انا مليانه كنت ..ودايما ينتقصون من ذكائك اذا كنت سمينة ..يفتكرون انك غبية شوي..ويعاملونك معاملة خشنة مو مثل البنت الضعيفة دايما يدلعونها
وكبرت وانا في فترة المراهقة بين رجيم وتخفيف ..اضعف شوي ارد ارجع للاغراءات .. وبعد الزواج هديت نفسي وهات يا اكل ..كل مازوجي اكل غصبني وكلت معاه وكنا ناكل وننام (مصيبة) وكنت اكل مثله وانا اللي قبل وجبة ما اخلصها (اختاروا من تجابلون عند الاكل لأنهم كثير يأثرون على طريقة اكلكم)
طولت عليكم ياقلبي لي رجعة
احبكم في الله