قصيده لأب عشق ابنته بجنون

قصـــيده في قمة الروعه .... كيف لا ؟؟ وهي من أب عشق ابنته بجنوووون ،،

الله يخليه لبنته ،، ويخلي له بنته ....


يابنت يكفي دخيلك لا تبوسيني
خلاص يكفي ترى مليت مشكوره
وش لك بخدي يابنت الناس فكيني
عندي طريقه وهي ماهيب محظوره

@@@@@@

نامي على صدر أبوك وحيل ضميني
لوتصبح عظام صدري منك مكسوره
انتي أساسا مكانك في شراييني
مشاركه بالمحبه والغلا < نــــــوره >


@@@@@@


ولاهي غريبه على مثلك تحبيني
لأني أحبك وأنادي دوم عصفوره
يابلسم جروح أبوك وفرحة سنيني
يامن لها بالضلوع وخافقي صوره

@@@@@@

أهديت غيرك كلام رويشد "أعفيني"
وانتي لك بذمـــــــتي "دره وبلوره "
أموت في ضحكتك وانتي ذبحتيني
بلشه..عنيده..وكتكوته..وشطوره

@@@@@@

إن جيت أريح وأنام الليل توذيني
متسلطنه تضرب الجدران بالكوره
تلعب على عيني الكوره توريني
والله ولا سامي الجابر وجمهوره

@@@@@@

واليا بكت تنقلب عندي موازيني
دنياي من دمعها وأن سال مذعوره
كــــن الزلازل بصدري والبراكيني
قامت تفجر وكـــن الروح مخطوره

@@@@@@

واليا ضحكت قلت أنا بالسوق بيعيني
لـــــوكان سعري ثلاث ريال معذوره
والله ما أحسد على ضحكك سلاطيني
أموالهم في بنوك جنيف محشـــــوره

@@@@@@

أنتي حياتي وعمري وشمعه سنيني
ودي أشوفك اليا شيبت ......دكتوره
اداوي لا جيت لك تعبــــااااااان ضميني
الوصفه الي ترد الــــروووووح "عبــوره"

@@@@@@



منــــــــقـــــــــــــوووووول