البنات ماقصروا بس بضيف شي مهم
لاتكثرين الماء على الدجاج حطي على قد الدجاج اذا كثرتي راح طعمه البهار ونكهة الدجاج
وحطي ملح كفايه لا تقللين
وترى الزيت يضبط الكبسه لاتقللينه
وترى المسأله وقت وبتكتشفين مع الوقت وين الخطأ اللي تسوينه

http://forum.hawaaworld.com/showthread.php?t=1966020


شفت الرابط طريتي ببالي على طووول

موضوعك اشغل بالي وجيت اتطمن جربتي طريقتي والا لا....
لقيت الصبايا ماقصرو كلاً ادلت بدلوها...
على العموم حنا مشهورين (ماشاء الله)بالطبخ جربي وماراح تندمي
وبالتوفيق...ننتظر بشارتك...

الطبخ نفس
مو شرط بالبهارات
انا بهاراتي من السوبر ماركت ومع هذا طباخة وطبخاتي لي فيها براءة اختراع
مو بس كذا نفس المكونات اعطيها احد يطبخ بها طبختي ويمكن ما يجيدها
ومو كل الطبخ يحتاج بهارات
كثير من الطبخات ما تحتاج بهارات بقدر ماتحتاج نفس جيد بالطبخ

اول سؤال بسئلك اياه كيف حاسة الشم عندك
اذا تشمي زين بتطبخي زين
واذا ما بتشمي ما بيصير لطبخك نكهة


اول استخدمي مكونات جيدة للطبخ
اللحم المفروم المثلج الي بالسوبر ماركت ريحته مو بحلوة
الدجاج بض انواعه زفرة وتطلع ريحة بالطبخ
الخضار تخسر من روائحها بطريقة التخزين السيئة
الزيت نوعيته تفرق بالطبخ زيت نور مثلا سيء بالطبخ
البهارات بتعرضها للهواء والشمس او الحرارة فترة طويلة يتغير طعمها
ومن هذا الهيل مثلا

تعودي استخدام البهارات العطرية بالطبخ وكذلك الاعشاب العطرية بالسلق
وحتى قشور البرتقال والليمون استفيدي منها
البهارات العطرية هي الهيل القرنفل الكمون الفلفل الاسود ورق الغار الدارسين ( القرفة )
وكل طبخة لها بهاراتها
مثلا بطبخ اللحم اكثر من الكمون والفلفل الاسود والهيل والكزبرة الناشفة
بطبخ الدجاج اكثر من القرفة والفلفل الاسود والهيل
طبعا استخد\م الباقي لكن النسبة تختلف من طبخة لاخرى

حتى البهارات المشكلة اصنفها فيه للطبخ الهندي لان بهاراتهم قوية وفيها حلبة وزنجبيل وفيه للطبخ الشرقي ومنه الطبخ السعودي

لما تطبخي عطي كل شي حقه
مرة عطيت وحدة طبخة من طبخاتي وانتبهت لها وهي تطبخ بتشوه سمعتي بالطبخ
تحط كل شي على بعضه
تطبخ اللحم مع لبصل بطبخة مثل الكبسة
ما ينفع
اللحم زفر وبيعطي زفرته للبصل مما يفقد الكبسة او الكشنة نكهتها
فالافضل مثلا ان يحمس البصل لوحده حتى يصل للدرجة المطلوبة من التحمير ثم يضاف له اللحم او الدجاج او الربيان

لما نضيف اللحوم او الدجاج او الربيان تضيفيه على نار حارة لاجل لا يطلع مائه على البصل الي كشنتيه ويحتفظ بطراوته
هذا سر مهم بالطبخ
وعن نفسي ما اضيف البهارات الا لما اطبخ اللحم او الدجاج ويروح لون الدم لاجل احافظ على نكهة البهار
الا بحال اني اضفت مقادير مطبوخة مثل لحم مطبوخ من اصل واضيفه على البصل وقتها استشني القاعدة واضيف البهارات على البصل

بالمرق ما اضيف البهارات الا باخر لحظات التسبيك
لاجل اني اهتم برائحة الخضار واني لا ارغب بان تطغي نكهة البهارات على المكونات
شغالتي مثلا كانت تطبخ المرق بسلق اللحم اول وتضيف بهارات صحيحة ما اقول مو بحلوة لكن المرقة الي اسويها احلى بكثير رغم انها تستخدم نفس بهاراتي ونفس مكوناتي



حاليا اكل مكرونة بالباشمل علمتها الطريقة وما عجبتني تطبيقها
طعم البهار غالب بالكشنة
الصلصة ما لها طعم رغم اني قلت لها تكثر من الجبن مثلا
واحد اسراري بالطبخ ا اضيف لها رشة جوز الطيب
والصلصة قليلة
لهذا حتى بطرق الاعداد للطبق كمية لمكونات تعطي ريحة حلوة او بالعكس للطبخ


بعض المكونات زفرة اصلا وتحتاج تتصرفين بريحتها
مثل البيض والدجاج واللسمك والربيان
لهذا اهتمي بطرق تنظيفها قبل الطبخ لتحافظي على رائحة رائعة لطبخك

ماله دخل حاسة الشم؟؟؟بالنسبة لي حاسة الشم فيها ضعف يعني ما اشم الا الرائحة النفاثة فقط والا الروائح العادية ما اشمها واحياننا اشمها لكن بعد مدة.(يعني اللي يجلس عندي ياحظه ياخذ راحته:42:)..ومع ذلك طبخي ما شاء الله حلو وكل من ذاقه عندي يعجبه واولهم زوجي...وللمعلومية انا احب الطبخ....يعني موفنانة واخترع حاجات لا لكن لما اطبخ استمتع +البهارات الممتازة واثني على البهارات الحايلية ما يحتاج(ديار الوالدة:26:)...وطولة البال لازم كل شي ياخذ وقته..جودة الانواع اللي تستخدمينها من رزودجاج ولحم وخضار وغيره....كل هذي عوامل لنجاح الطبخ