السلام عليكم و رحمة الله و بركاته
يا بنات يا حلوات كيفكم و شخباركم
الكتاب واضح من عنوانه فما راح أزيد و أطول في المقدمة باختصار ( غسيل المماعين ) :angry:
شلون تقللين الوقت في غسيل الصحون و يكون غسيلج ممتاز و نظيف نبدأ بسم الله
1. لبس القفازات شي اساسي للحفاظ على نعومة اليدين
2. الصحون العالق بها دهون تمسح بورق او كلنكس المطبخ جيدا هذي الطريقة توفر جهد و وقت اللي راح يهدر في الفرك و الدعك و يوفر الماي اللي اح يروح و الدهون ما راحت :7_2_103v:
3. أستخدام الماي الساخن فقط .. و هنا تأتي أهمية القفازات في حفظ اليدين من الحرارة و كلنا نعلم ان الماي الساخن مطهر للجراثيم و منقي راح يوفر لج الكثير من الجهد و يعطيج النتيجة المطلوبة
4. استخدام ليفة خاصه بالصحون و الكاسات و الملاعق و ليفة اخرى خاصة بالقدور و المقلاة
5. استغلي وقتج بالاستغفار و خلي عنج التفكير البطالي :3_13_12:
6. قطاعة الخضار cutting board غسيلها سهل و تنظف بسرعه بس مع الفترة تلقينها اسودت !! لأن الخضار أو اللحم يكون تغلغل فيها فإذا تراكم يبين .. طبعا الحل انج لما تغسلينها تفركينها بملح عشان يتغلغل في الشقوق و يعقم لج اياها بنفس الوقت .. و عالعموم حرصي انه يكون لج قطاعتين وحده خاصة بالخضار و الثانية باللحم و الدجاج و بدليها بين فترة و فترة
7. طبعا الغسيل يكون أول بأول ما في تأجيل
8. و اذا كان الغسيل وااايد فغسلي الأهم فالأهم و صنفي غسيلج و رتبيه .. يعني الصحون كلهم فوق بعض الشوك و القفاش مع بعض و ... الخ و غسلي أولا القدور عشان تتخلصين من المساحة اللي ماخذينها
و سلامتكم .. :)
أتمنى اني أفدتكم ان شاء الله و اذا تذكرت اي اضافه راح اقولكم عنها ..
يلزم عليك تسجيل الدخول أولًا لكتابة تعليق.
ست الحبايب ياحبيبه
•
الله يعطيك العافيه كلام سليم
الصفحة الأخيرة