بسم لله الرحمن الرحيم
السلام عليكم بنات منتداي الغالي ..اسأل الله العلي القدير أن يحقق امانيكم بالذرية الصالحة السليمة المعافاة يارب
أنا عضوة قدييييمة جدا كنت متأخرة بالحمل ومن الله علي بطفلين ..يارب لك الحمد والعقبى لكم ..
أحب اذكر واعيد ودائما افتح مواضيع للتذكير بتجربة حملي لللفائدة سائلة الله عز وجل أن ينفعكم بها..
اولا احب اذكر تاريح تأخر حملي
أول تشخييص لي بضعف شديد بالمبايض ومع التنشيط لمدة سنة 3 شهور متواصلة ثم راحة شهر طبعا انا متأخرة 3سنين ونص قد لاتعد شيئا بعيون البعض لكن لعشقي للأطفال وكثرة التجريح من الاقارب زادو همي وكنت على شفا حفرة من الانهيار النفسي..
لكن الحمدالله ان ربي رحمننني ورزقني أغلى بنت وأغلى ولد ..
المهم اول سنة ماسعيت للعلاج بحكم زوجي يقول اني مستعجلة ولما تميت سنة رحت سويت فحوصات شاملة وزي ماقلت ضعف شديد بالمبايض قلت بسري ..وييي ضعف عادي راس مالها خلطة تنشيط وبحول الله حامل ..
وبدأت رحلة الخلطات والملطات وشي عسل ومدري ايش لمدة سنة كاملة بدون تحسن بالتبويض نهائي حدي 5-6 ملم..
لما كملت سنتين خلاص طفح كيلي ورحت اخذت حبوب تنشيط مع الدكتورة وتابعت التبويض طلع عندي شهور كثيرة مافي تبويض اساسا:11retcher
واللي تنزل دورة وهمية..سويت اشعة الصبغة وكانت سليمة الحمدلله وبدأت كورسات الأبر المنشطة وعارفين تعبها وكيف تحرق زي الفلفل هي والابرة التفجيرية:angry2:
وكملت سنة على هالحال ..
وكل يوم حلم الامومة يعذبني جدا..
كملت الثلاث سنوات وحاسة باجهاد جسماني فظييييع وسمنة وشحوب من اثر الابر..
رحت عدت جميع التحاليل وعزمت النية ابدأمن جديد طبعا اضافة لضغف التبويض جاني تكيس من فرط التبويض والحمدلله على كل حال
هنا قررت اوقف وقفة مع نفسي وقررت اريح جسمي من كل هالاشياء واريح عقلي خصوصا ان امي حملت وكانت صدمة بالنسبة لي لانها كانت راغبة بقوة بطفل وكانت تقول لي استنيت استنيت وماحملتي ..:huh:
المهم كان لي 3 سنوات و3 شهور ..وقفت كورسات التنشيط واخذت اوراقي لمستشفى خااص وعملت اشعة فقط ايام التبويض قالت لي الدكتورة ياماما انتي مشكلتك الوحيدة ان بويضاتك تكبر لكن ماتخرج من المبيض يبغالك تخريم بالمبايض..:unhappy:
قلت بسسسسسسسس ..مع السلامة رجعت البيت وصليت وقررت اني اسوي حجامة ليش حجامة جاببالي تخريم للمبيض قلت اكيد الحجامة بتساعدني ..وبحثت وسمعت عن محجمة يمدحونها ناس وانها سبب بعد الله في علاج الشقيقة عند عمتي ومرت عمي تحمل بسرعة ماشاء الله بس كانت عالمانع وسوت حجامة للسنة وحملت بتوأم..
وتذكرت ان امي سوت حجامة بشهرها اللي حملت فيه للسنة طبعا ..
وعقدت النية عالحجامة ..
اول شي اشتريت طلح نخيل علبتين وغذاء ملكات علبتين ركزو طلح نخيل موحبوب لقاح ..
واخذت حمية دشتي وبدأت اطبقها وذالك لعلاقة التكيس بالسمنة ومستوى السكر بالدم وان السبب الرئيسي للتكيس هو لخبطة الانسولين الناتج عن اكل السكريات والنشويات ..حذفتها تماما من اكلي وكنت اذا ابي اكل الطلح وغذاء الملكات اخلطهم بكاس ماي وابلعهم عالريق
وجبت لي حبوب جلوكوفاج حبة يوميا نظرا لاني حاذفة النشويات وكمان علبة فوليك اسيد ..
وبدأت بنظامي ورياضتي والحبوب ..
فكرت مع نفسي انا انتظر الدورة عشان الحجامة لازم ثاني يوم دورة وقررت اخذ حبوب كلوميد حبتين يوميا لزيادة الفرص ..
جت الدورة ورحت سويت الحجامة والله لايوريكم الدم اللي ينزل أسسسسووود الله يكرمكم من ظهري طبعا جهة المبايض..وسوت لي كاسات هوا قدام الارحام ..ورجعت البيت وبدأت باكل الحبوب الكلوميد بالدقيقة والثانية اخذهم بوقت محدد حبتين ابلعهم مع بعض ومستمرة عالدايت لي 3 اسابيع ..وزنت اول اسبوعين نزلت 5 ك ..والاسبوع تبع الدورة نزلت 2 ك كنت مبسوطة بنزولي لدرجة ماعدت افكر حملت ولاماحملت على الاقل اسوي رجيم اعدل جسمي لين ربي يكتب الحمل..وبيوم 14 من الدورة رحت وسويت سونار ووقالت لي الدورة في بويضتين مقاسهم 18 و19
:06:أخيرا الحمدلله..
حددت لي الدكتورة مكان البويضات وكانو بالمبيض اليمين واخذت ابرة تفجير وصار الجماع بالموعد المحدد وكنت احرص اني انام على جنبي اليمين ..ويابنات يابنات الدعاء ماتركته بالثلث الاخير من الليل وواظبت عالرقية الشرعية ..
وكنت واثقة بربي ثقة عمياء وعندي يقيييين اني بحمل هالشهر ..وقربت موعد الدورة وزاد خوفي من اني موحامل ..عزمت النية ورحت اول يوم المفروض تنزل فية الدورة ..
وحللت ..
وطلعت حاااااااااااااااااامل ..يارب لك الحمد اجمل يوم واجمل كلمة الله لايحرمكم منها يارب..
وولدت وجبت بنوتتي القمر ,>>ماكاأني دوبي لطشتها ..هههههههه ابيها تنام وراي اختبار بكرة.. الله يصلحها هي واخوها ماتدري قديش عانيت عشان تجي..
المهم ..لما صار عمرها سنة و9 شهور قررت افطمها عشان ابي اسوي دشتي عشان انحف ولانه مايصلح للمرضع وسويته شهر كامل ولمفاجئة ..حامل بدون علاجات طبيييعي الحمدالله ..
ههههه قلتلكم نظام دشتي فيه سر ..:o
في النهاية ..عسى انكم استفدتو لو جزء بسيط من تجربتي دعواتكم لي بالنجاح باختبارات الجامعه واي وحدة تحمل تعلمني عالخاص ..خخخ والله اني افرح لفرحكم ..
سر صغيييييير
((لما حملت ببنتي كنت اسوي تحليل بوووول كل شهر واتمقل فييييية وموجودين عندي للذكرى ))
هههههههههههههه:S_45:
ومع السلامة وهالله هالله بالردووود السنعة ..:icon35:
قصة فيها كفاح
عقبالي يارب