..:: مكياج ناعم وجريء للبنوتات ::..

او نفس طريقة الين خلف في كليب مني ليك مثل الصور.. وانا دااااايما استخدمها واااايد تحلي وتطلعج بنوووووووته.. وغالبا احط كحل اسود فوق .. واخضر او ازرق تحت.. يطلع رووعه وستايلش.. :D



ولتنفيذ هاللوك.. وحسب طريقتي السهله والسرررررريعه... اذا كنتي تعرفين تدمجين الالوان ادمجي لونين فوق يعني درجتين لنفس اللون او الوان متقاربه ولون ثالث تحت واذا ما تعرفين تدمجين عدل حطي لون فوق ولون تحت..

وبعدين حطي كحل اسود سائل بطريقة عشوائية فوق الرموش اللي فوق.. بس تقربينه قد ماتقدرين من خط الرمووووووش المهم لاتكثرين لانج بتسخدمين فرشاة الكحل عشان توزعين الكحل من بداية العين لنهايتها من فوق بس..وتسحبينها شوي لبره عشان تحصلين لوك الستينات الي دارج بقووووه.. لكنه مطوووور.. المهم انج تسحبين خط الكحل قبل لاتوصلين لنهاية الجفن المتحرك.. يعني تتحكمين في رسمة العين..

شوفي صورة الفرشاة والحركة الي اقصدها..



وبعدين تحطين كحل قلم باللون الي تختارينه تحت .. وبعدين تحطين الماسكارا على الرموش العليا و اذا عندج ماسكارا ملونه مثل لون الكحل الي حطيتيه تحت حطيها اذا ماعندج لاتحطين ماسكارا على الرموش السفلى.. لانها يمكن تغطي او تقلل من قوة اللون.. وحتى الماسكارا الملونه لاتكثرين منها.. واذا انتي حابه تحطين ماسكارا تحت مب مشكله بس بدون لاتثقلينها.. خليها ناعمه..


ان شالله تنفذون طريقتي وتعجبكم.. قد ما عجبتني وعجبت اللي حولي :D