((زوجة رجل طيب))
بنات ردودكم على عيني وعلى راسي بس مو معقوله الحرمه هي الي تسوي كل شي

وسألته قبل شوي قلت انت الحين ليش ماتكلني وش سويتلك

قالي لانك مادافعتي عني امس ودافعتي عن السواق
قلتله انا مادافعت عن السواق ومن يكون انا كل الي قلتله مانبي مشاكل جايه مدارس اخواني الحين وابوي لا جى يتصرف معاه بس انت لاتسبب مشاكل

قال لا المفروض توقفين معي
قلت وش اقولك رح اقتل الرجال عشان اكون وقفت جمبك

وحط راسه ونام ولا اخذت زبده من الموضوع

وقلتله بطلع انا طفشاااااااااااانه

طلعني ورحنا مول واخذ عربيه للبيبي انا كنت بمووت عليها وهو ماكان راضي يقول احسهم مبالغين بسعرها

ويوم دخلنا المحل قالي عنادا فيك باخذ العربيه

انا قلت الحمدالله والشكر الحين انت كذا تبي تعاندني ب2500ريال اذا على كذا كل يوم بحارشك خخخ

طبعا هذا الكلام قلته بقلبي

المهم طلعنا المطاعم وبرضو ساااااااااكت قلتله قوم برجع البيت

ورجعت
ليلك
ليلك
الله يهديكم اجمعين

بس ترة اتوقع انه شرا العربية كرضاوة يعني المفروض شكرتيه وقلتي الله يخليك لنا

وهو كان ساكت اكيد ينتظر منك تعليق

نصيحة مع انه ما لي سنة متزوجة بس لا تخلين زوجك يتعود على انكم ما تتكلمون اذا زعلتوا

وحدة من صديقاتي ما شاء الله متزوجة من 10 سنين تقريبا واذا زعلت مع زوجها ممكن يقعدون اسبوع ما يتكلمون وتقول انها متحسفة قد شعر راسها انهم كذا لأنه زوجها صار يستغني عنها على قولتها وانها تعرف وحدة ما عودت زوجها على هالشي وصار ما يستغني عنها

ودايما ينصحون المقبلين على الزواج انه الزعل ما يعدي يوم

وبعدين اختي احتسبي الاجر في كل شي تعملينه مع زوجك حتى لو تنازلتي انتي شوي خليه رضا الله هو اللي يهمك ولا تفكرين بكرامة ومن هالاشياء

ولا تنسين انه برضاهم ندخل الجنة الله يخليهم ويسخرهم لنا