راح وخلاني ابكيه @rah_okhlany_abkyh
عضوة فعالة
رمضان على الابواب وللي تطبخ فطورها سوي هالطريقه وشوفي الشعور بالسعاده كيف
السلام عليكم الله يبلغني رمضان ويبلغكم وكل من نحب والمسلمين اجمعين ورقبة بشار معلقه على باب الشام اللهم امين ---المهم العام افكر وافكر وافكر كيف اسوي شي الين نهاية رمضان احصل منه اجر الدنيا والاخره ان شاء الله واحس اني سويت شي بسيط ينفعني في الاخره لاصرت بين ايدين ربي --المهم وجئت الفكره قبل رمضان بكم يوم اسال اولدي الكبير فيه مساجد قريبه بحارتنا تفطر صيام قال ابسال راح وسال لقى مسجد حارتنا يفطر صيام يفرشون سفره قدام هالمسجد وكل اهل الحاره يجيب من فطوره اشكال والوان ويحطها على هالسفره وقبل الافطار يتجمعون هالعماله وهالهنود وكل من بغى فطور --المهم فرحت ورحت قبل يومين من دخول رمضان وشريت صحون بلاستيك بكل الاحجام ويوم جاء رمضان واشمر عن ايديني واطبخ فطورنا وقبل الافطار بعشر دقائق اجيب صينيه كبيره واحط فيها صحون البلاستيك وكل صحن احط فيه من الاكل للي طبخته مكرونه شوربه رز مهلبيه جلي لخ وجيبي لك كرتون من ماء الصحه للي علبته بنص ريال وثلجيه باليل وبعد العصر طلعي كم حبه وحطيها بالصينيه وجيبي صحون صغيره قد كف اليد وزعي فيها تمر وحطيها في الصينيه وارسلي اوليدك او اخوك او اي احد من اهلك يوزعها على صينية الافطار تخيلي كل رمضان وانت تفطرين اهلك ومن الصيام المسلمين للي بالمساجد والله شعور ما قدر اوصفه بس لاسويتو هالطريقه بتحسون بشعوري ------ولكم خالص حبي
330
70K
يلزم عليك تسجيل الدخول أولًا لكتابة تعليق.
الصفحة الأخيرة
اللهم بلغنا رمضان