حبيباتي اللي وصلتهم الرسالة النصيه من حافز :
( نامل الاسراع في اكمال بياناتكِ على موقع حافز رقمك السري هو ........ وذلك لإدخالة مع رقم هويتك ................... )
بعد ماسويت إكمال بيانات عشان اعدل البيانات وطلعلي اسمي كامل :) لقيت بعض البيانات غلط كاتبين الحالة الاجتماعيه غلط ... وكمان لقيت خيارات مااعرف شلون اجاوب عليها وش اختار ؟
زي مثلاً :
1/ هل لديك رخصة قيادة ؟
وش قصدهم قيادة سياره مثلاً ؟ :mad:
وش هالسؤال الغريب اللي يحسسك بشيء مخيف قادم .. حسبي الله على العلمانيين
معروف كل السعوديات ماعندهم رخصة قيادة سيارات بحكم مجتمعنا اللي تربينا وعشنا فيه
هل لديك احتياجات خاصة؟
ما هو المكان الذي تستخدم منه الإنترنت بشكل رئيسي ؟
وش هالاسئلة الغريبه العجيبه
اللي مانفهم منها الا حاجة وحده ( يصرفونا ويسكتونا بالغمووووض والابهام في الاسئلة )) !!
حسبنا الله ونعم الوكيل
تذكرت يااخوات حديث الرسول عليه الصلاة والسلام فيما معناه :
( في آخر الزمان يوكــل الامر الى غير أهله )
وهذا حنا نشوف بعيوننا إن الوزارات اوكلت الى غير أهلها وكثير من الادارات والمرافق الحكوميه التي لاتهتم بحاجة الناس
وينك ياعمر بن الخطاب رضي الله عنك لما قال :
(والله لوعثرت ناقة في العراق لسألني الله عنها )
وأحد الصحابه لما قال إنثروا الذرة على الجبال حتى لايقال ان الطير جاعت في خلافة فلان !
ليتنا عشنا زمانهم
هالحين نتعب ونسجل نجد التصريفات الغير خلاقة
علماً ان الوظيفه وفرص العمل الحلال ابسط حقوقنا
مانقول غير :
اللهم لاتسلط علينا من لايخافك فينا ولايرحمنا
ربي لاتكلني الى نفسي ولاالى احد غيرك طرفة عين ابداً
ويبقى موضوع حافز معلق الى الآن
عطونا بصيص من الامل ع الفاضي
وربي من قريت الشروط والاعلامات حقتهم غسلت يدي
كفاية انهم يتبلون علينا في البيانات اللي كتبناها يقومون يغيرونها غلط على كيفهم وحنا احولت عيوننا من كثر مانتأكد ونراجعها مليون مره
ويااااصبر الأرض
غيداء السعيد @ghydaaa_alsaayd
محررة ماسية
هذا الموضوع مغلق.
لا ياقلبي اعتقد رخصة قيادة الحاسب اذا ماكنت غلطانه ...
وبالنسبه هل لديك احتياجات خاصه اعتقد يقصدون ان عندك اعاقات يعني من ذوي الإحتياجات الخاصه ..
واذا كنت غلطانه ان شاء الله البنات يصححون لي ..
وبالنسبه هل لديك احتياجات خاصه اعتقد يقصدون ان عندك اعاقات يعني من ذوي الإحتياجات الخاصه ..
واذا كنت غلطانه ان شاء الله البنات يصححون لي ..
عادي التقديم لحافز كو بس النسا الرجال بعد مو فاضين يصلحون رابط خاص للبنات ورابط خاص للاولاد
الصفحة الأخيرة
خليك متفاءلة
حسبنا الله سيؤتينا من فضله وانا الى الله لراغبون