بنات بشرتكم بحملي قبل اسبوعين ولكن

يارب لك الحمد والشكر كما يليق بجلال قدرك وعظيم سلطانك

اخواتي الغاليات بعد ما بشرتكم بالحمل وفرحنا وشكرنا الله تعالى وعلى بدايات الاسبوع السادس اصحى من النوم وافرازات بنيه قلت امكن انغراس وجلست مرتاحه طول اليوم وماكان عليا شي ونمت وتاني يوم اصحى على الدماء والالم ورحت المستشفى والام يروح ويجي مدة ساعتين وبعدها سار الاسلاب او الاجهاض زي ما تقولوه
الحمدلله على كل حال اليوم غلقت 12 يوم من الاسلاب وقلت اقولكم احتاج وقفتكم معايا لان نفسيتي شويه نازله مو مكتئبه ولا معترضه الحمدلله لكن الاجهاض بعد الانتظار والشوق والفرحه بالخطين والحمل مؤلم شوي وابغى دعائكم لي بالعوض الطيب والله اني اكتبلكم وانا بدموعي معرف ليش بس انتوا اخواتي
كنت متماسكه قدام اهلي وامي وزوجي لكن الانسان مشاعر ويرتاح مع احبابو جمعني الله معاكم في ظلو يوم لا ظل الا ظله
ولي عندها اي خبرات او سامعه اشياء ممكن تفيدني لاني سامعه ان بعض الاجهاض المبكر ممكن يسير حمل من غير مشاكل
وقريت في المواقع الاجنبيه 75% من المجهضات مبكرا يحملوا طبعا باذن الله قبل الدوره فايش رايكم بدى الكلام ومين جربت او تعرف احد سارلو كده يقولي الطريقه لان اول مره يسيرلي دا الشي وبدي اتثقف الصراحه بدل ما اضيع وقتي في الحزن وكلمة لو ومداخل الشيطان
وربنا يرزقكم من واسع فضلوا و****لله ما يجي موعد دوراتكم الا وانتو حوامل يارب وكل مشتهي