طبختي دجاج بقشطه الخفق ..

السلام عليكم .. يمكن هذي اول طبخه انزلهاا ولا اعرف اشرح بس استحملووني

المقادير :

صدور دجاج - بطاطس - قشطة الخفق - بهارات - اوريجانو - خضار مشكل مقطعه صغيره دائما احط ( بروكلي - كوسه - جزر) مقطعه صغار جدا جدا - مكعبات ماجي - جبن كرافت - موزاريلا - بارميزان


الطريقه : تقطعي صدور الدجاج حسب الحجم الي عندك الى 2 او 3 اجزاء
تبلي الخضار بالملح والكمون والكزبره والفلفل الاسود

تفتحي الصدر من جوه كانه يسير شنطه وتحشي بالخضار المقطعه الصغيره وقطعه من الجبنه كرفت صغيره

تجيبي صينيه الفرن قزاز وترصي البطاطس بعد ما تكوني مقطعتها دوائر وبعدها ترصي الدجاج المحشي فوقها

اذا الصدور صغيره وما تنفتح عادي تقدير ترصي الدجاج والخضار مع بعض بدون ما تفتحيها

صبي فوقها قشطه الخفق - بعدها ذوبي مكعب ماجي بكاس مويه وصوبي عليهم حاولي يكون متغطي الدجاج بالمرقه والكريمه

غطيها بقصدير وافتحي الفرن من تحت لحد ما تستوي الدجاجه جربي بالشوكه عشان تعرفي اذا استوت او لا

بعد ما تستوي افتحي القصدير ورشي عليها جبن موزاريلا و بارميزان والاوريجانو وخليها تتحمر من فوق 10 دقائق وبالعافيه

تقدم مع رز ابيض ..