وخري عن طريقي لو سمحتي........................عندي قصه كانت لنا مثل الحلم.
القصه قبل اثناعشر سنه او اكثر ............امي راحة مع عمي زوجها تاخذ عمره وحنا في البيت
وحدناهههههههههه المهم امي ماتستغني عن القهوه ومعها الغازالصغيرمره ذاك الاصفر المهم
بتولع امي النار وحصل الانفجار وماكان عمي موجود عندها بس من رحمت ربي كان الغاز صغير
مره المهم امي تقول ماحسيت الا وانا تحت الدش اغسل ايديني ووجهي وحسيت وجهي ويديني
مولعه جاء عمي وراحت المستشفى ورجعت لنا مربطه ايدينها ووجهها رفظت تشيل النقاب عشان ماتفجعنا وخصوصن الصغارين وبعد ما سلمنا عليها وشبعنا من الصياح شالت امي النقاب وكان وجهها
ماتتخيلون يابنات والله العظيم كنت كاني في حلم اقول لا لايمكن يخف اللي في وجه امي ويدينها
كانت شي مخيف والله ما ابالغ يابنات بس الحمد لله وما رظت تروح المستشفي تقول بيصيرون
يقصصون من هنا ويرقعون من هنا وكان كل من شافها يشبع من الصياح .
المهم اعتمدنا على الله وصرنا نقرا عليها وقالت لنا وحده على علاج والله يجزاها الجنه
بدينا فيه على طول وهوعباره عن حرق البيض واخذ زيته والله يابنات كنا نجيب اربع او خمس اطباق بيض
ونكسره في قدركبير ونطلع للحوش ونحط غاز ونحطه على قز حق البر ونظل نحرك فيه حتى يحترق
تماما ويصير اسود مره وشمي عاد ذيك الريحه اللي تجذب كل ذباب في الحاره من شد ماهي كريهه
بس كله عشان امي يهون بعد مايحترق البيض تماما يطلع منه زيت كميته قليله نخليه لين يبرد
بعدين نحتفظ فيه بالثلاجه ونحط منه في زبديه ونجيب قطن ونغط في الزيت ونحط على وجه امي نغطي الحروق تماما
ونحط على اليدين الصبح وفا الليل مع المداومه على قراءة القران عليها ومع الصبر ورحمة ربي
الحمد لله ماخذت وقت الا والوجه ماشاء الله ماكن جاءه شي بس اليدين اخذت وقت اطول وعلمت
النار فيها يعني فيها بقع بنيه شوي بس الحمد لله اللي شافها في ذاك الوقت يظن انها خلاص راحت
والله يجعله حقها من نار الاخره والله يجيرنا من النار والمسلمين اجمعين.


عسى ما نمتو خلاص انتهت القصه .

هلا وغلا بكل الغلا
هلا ومرحبا ومسهلا ببسيرة
وين الناس؟
أنا يابعد الد نيا جايه لهل القسم ومسويتن روحي ثقيلة عاد لا تطلعين الفضايح وحتسي القصمان!!!!!!
لا والله العظيم امزح :42:
خوذي راحتس وأن طرد ونا من المنتد ي زينت لي ولتس ومن يعز عليتس وعليّ موقع خـــــــــاص
اولا : الحمد لله علي سلامة الوالد ة وجعل ماأصابه وابتلات فيه حقها من نار الاخره

ثانياً: والله انتس صاد قه بالنسبةلموضوع البيض لكن مهوب اي بيض البيض البلد ي صح

فعلا يابسوره ولا يهون الاخوات ترى البيض المحروق مفيد جداً للحروق ومجرب عند نا يالقصمان

لكن نبي بعد تجارب ثانيه وثالثه للا فادة والاستفادة
.
ومشكوره يابسوره علي المسيار والله لا يحرمن منك يارب

والله يجيرنا من النار والمسلمين اجمعين


ودمتي لمن يحبك وأنا أم تأبط شرأ منهم

السلام عليكم ورحمة الله وبركاته
أختي ام تابط شراً
والله ما كنت ابغى اعيد الذكريات المريرة اللي أحاول انساها وماراح انساها طول عمري بس علشان الكل يستفيد من تجارب الغير امري لله خليني أقص لكم قصتي
صارت قبل السنتين وانا حامل في الشهر الخامس صحيت الصبح باصلح فطور ولعت تحت الزيت بعدها دق التلفون ورحت أرد عليه كانت خالتي على الخط تكلمت معها حوالي الخمس دقايق وبعدين شفت دخان خارج من الصالة اللي تدخل على المطبخ سبت السماعة من يدي ورحت اشوف لقيت المطبخ والع "والله أكتبلكم ويدي ترجف" انفجعت وناديت على الوالدة اللي كانت تصلي الضحى جات وقامت تصرخ وانا من شدة الموقف ماقدرت انطق بكلمة واحدة صحوا أولادي الاثنين مفجوعين من الصراخ وشافوا الدخان وصاروا يبكوا طبعا ما عرفت رقم الدفاع المدني من شدة المفاجاءة اتصلت على زوجي في العمل وخليته يطلب الدفاع المدني بعدين اتجهت لأولادي وخرجتهم من الشقة وسكيت سكينة الكهرباء ونزلنا نصحي حماتي وحماي علشان نطلع الشارع قامت حماتي تساعد امي في الصراخ المهم خرجنا كلنا من البيت وانتظرنا برة الين جاء الدفاع المدني بعد 10 دقايق والموقف كان مرة صعب بالذات على أولادي اللي قعدوا فترة معقدين من اي اصوات أو ألعاب نارية طبعا ما امداني اخذ ولااي ورقة مهمة بس الحمد لله جاءت سليمة
راح المطبخ بكل محتوياته بس الغرف كلها صبغت بلون الدخان والحمد لله الفرن كان كهربائي مو غاز ولو كانت انبوبة كان فجرت البيت كله والله ماني مصدقة اللي صار وبيتنا كان لسه جديد تونا ساكنين بس الحمد لله على كل حال الله يكفيني ويكفيكم شر الحرايق ويسلمن منها ، قلبتوا علي المواجع.:(

اختي الغاليه أم الثلاثه
اولا الحمد لله على السلا مة وجعلها الله سلامة دائمة يارب
وأنا في اشد الاسف:44: اللي قلبت عليك المواجع
والحمد لله انها في المطبخ ولا في شي اهم منه <<<< فى الانفس لا قدر الله
قدر الله وما شاء فعل ويفداك انتي وعيالك ومن يعز عليك الف الف بيت
والله يارب يعوض عليكم
اهـــــــــــــــم شيْ سلامتكم
وعساها يارب سلامه دائمه ومعافاة من النار د نيا وآخرة
وما اصابكم ابتلا وامتحان
ومشــــــــــكورة عيوني وماقصرتي





ودمتي لمن يحبك وأنا أم تأبط شرأ منهم

مشكورة أختي أم تأبط شراً
وانا على طول احمد ربي اللي سلمني وعيالي وجميع من في البيت
والحمد لله كل شئ اتصلح واتعلمت درس ما راح انساه اللي هو
ممنوع الرد على التليفون اثناء الانشغال بالمطبخ

لأنه ممكن لاقدر الله تنسي انه في شئ على النار.