اقول لكل اللي شاركوا في موضوعي عن عباة الهام فضالة اتقوا الله واحسنوا الظن

السلام عليكم ورحمة الله وبركاته
وعيدكم مبارك وكل عام وانتو بخير

انا ما كتبت هذا الموضوع للفتنة وعشان نزعل على بعض
طلبي كان جدا واضح انا بغيت حد من بنات الكويت يدلوني على عباتها اللي مثل الوشاح لاني بلبسها في وسط نسائي ويزاهن الله خير اللي حاولن مساعدتي وماقصرن
ارد واكرر انا بلبسها في عرس لانه شرات ما خبرتكم والكل يعرف انه نحن في الامارات عندنا عيب نفصخ عبينا حتى لو كنا في عرس وكل الحضور حريم ولكل مجتمع طقوسه
وكلكم ياهل الخليج حبايبنا ولا احب اني اطعن في حد
كلنا اهل والزين والشين في كل مكان
والله يهدي الجميع وصدقوني يمكن ممثلات او غيرهن يهتدن والله سبحانه مطلع على نية كل انسان
انا عيبتني العباة ودخلت خاطري لانه عندي فستان والحركة في الاكمام وبغيت الشغل يبين في العرس
ووالله العظيم ما يسوا عليه اطلب واقول والقى حد من البنات الله يهيدهن ويصلحهن يهاجموني ويشتغلون في الوعظ والارشاد
انا ما كنت ابغي اقول قصة حياتي واقولكم اني يوم بطلع او بدخل العرس بكون متغطية من راسي الى ريولي
مليووووون مرة اقول هاي العباة بلبسها حق عرس مب حق السوق والا جدام الرياييل
يا بنات اللي تبغي الخير وتبغي تنصح لازم تحسن الظن في الاخرين

عموما يزاكم الله خير اللي نصح وباجر العيد وما تمنيت ارد وادخل المنتدى والقى بعض البنات الله يهيدنا ويهديهن طلعن برع الموضوع:(