بنات افكر لما اخرج لاحد يعني زيارة اخذهم كلهم ولا واحد
طيب بالليل لما يصحون اسكت مين فيهم راح اقدم شغالة بس برضة مالهم امان على الاطفال
عن جد افكار من البرح تدور براسي ومو مستوعبة
يارب ترزق كل محرومة

الله يتمم عليك

ياحلاة التؤام اتمنى ربي يرزقني بتؤام

الله يتمم لك على خير 9 أشهر... يا ريت تسألين الدكتوره إذا كنتي محتاجه ربط.. حتى لو حملتي من قبل وعندك أطفال عادتن حمل التوأم يحتاج لعملية ربط.. لأن في الشهر السادس والسابع يصير ثقل ع الرحم... طبعا تحتاجين رااااحة غير عن حملاتك اللي قبل...
شوفي خوفك وقلقك طبيعي جداا.. لا تفكرين وايد باللي جاي.. خذي حياتك يوم بيومه.. أهم خل يوصلون أول بصحة وسلامة وبعدين فكري لما بتطلعين من اللي راح تاخذينه معك في الزيارات.. لا تشغلين بالك بأفكار أصلا ما لها داعي.. كل شي بوقته..والشغالة بتفيدك وانتي طبعا عينك بتكون عليها.... أخذي الأمر ببساطة .. واحمدي ربك كثير وادعي أن يتمم لك هالنعمة ع خير.....

والله ياعسل مااباغى اكذب عليك
انا عندي توأم بنات الحين كملوا 3 سنوات


الحمل كان تعب تعب
والولاده طبيعي ولك ان تتخيلي
والنفاس شي عجيب

بس كلها مرت وعدت بسلامها
وربك يعين ويساعد

ايام تضحكين وايام تصيحين بس في الاخر لازم تضحكين
وكل ماكبروا قدامك كل ماحسيتي بالانجاز والفخر


احنا كنا مسوين قروب قضينا فيه كل شهور الحمل
نتطمن عن بعض ونسأل عن بعض

وبعد الولاده انتقلنا لقسم الطفل
سهرنا سوى
وشكينا لبعض
من الرضاعه للاكل للفطام لتعليم الحمام

وكنا اخوات والنعم
وعدت الايام من غير لانحس


انصحك
لاتخافين ولا تحاتين
وحبي حملك وتوأمك وهم في بطنك
ولاتشيلي هم بكره
الي خلقهم ببطنك بيساعدك ويعينك اذا طلعوا