طريقة الوالده الله يحفظها بحشوة السمبوسه

اولا تغسل اللحم المفروم او الدجاج
تضع قليل زيت بالطاوه( تقريبا 1أو 2 ملعقة طعام) واكثر الايام ما تحط زيت ثم تضع 2 بصله متوسطه +حبه صغيره فلفل رومي +حبه صغيره طماطم مفرومين مع بعض بفرامة البصل تحط عليهم اللحمه وتقلبهم حتى تبدأ تنشف المويه وقبل ما تنشف تماماً تحط عليها البهارات الخاصه فيها واكثر شي تستخدمه 1ملعقه صغيره فلفل اسود وكمون + بهارات الامير المشكله + حبه ماجي وملح "اذا تحتاج" وتقلبهم وطبعا بعد ما تحط البهارات تقصر النار وتتركها تنظج تمام ثم تضع عليها (حزمة كزبره خضراء + نصف حزمه بقدونس + حزمه بصل اخضر الجزء الاخضر فقط واحيانا تحط قليل شبت) كلهم مفرومين قطع صغيره وتقلبهم بسرعه وتشيلها من على النار يادوب 5 ثواني تتركها عالنار ولما تبرد تبدا تحشي السمبوسه
وبالهناء والعافيه
وعجينة الوالده من عرفتها
دقيق ابيض وربع" او اقل من الربع" مقدار الدقيق الابيض دقيق اسمر اودبي ما ادري وش اسمه او تخلي الدقيق كله ابيض ما فيه مشكله+ قليل ملح + 1 ملعقه طعام زيت
ماء للعجن
تعجنها زين مازين وتكون قاسيه تعجنها قبل تبدا تصلح الحشوه تتركها ترتاح على بال تصلح الحشوه ثم تفرده بالفراده
قبل كانت الفراده اليدويه والحين بالفراده الكهابائيه
ومره ثانيه بالهناء والعافيه