احسن رجيم بالعالم

السلام عليكم
هلا بالحوائيات الغاليات الحلوات
شو عاملين بهالريجيمات والوصفات
الله بعين وينحفنا من غير شر
من غير طول سيرةّّّّ(كل هالحكي ومن غير طول سيرة:mad:
ها يا حبيباتي الغاليات بال فترة نزلت موضوع طلبت فيه رجيم ينزل خمسة كيلو في 3 اسابيع والاخوات ما قصرو
وبعد بحث في المنتدى الغالي وبعد ما شفت تجارب البنات وبحثت في جوجل وبعبشت ودورت الا انا عملت رجيم خاص فيني
هاد يا غالياتي انا ما بقدر امشي على رجيم معين يعني مثلا كلي على الفطور كذا وكذا وعلى الغدا كذا وكذا وعلى العشا كذا وكذا هاي الرجيمات ما تمشي معي ما اقدر اطبقها ابد فشو سويت
لقيت انو احسن رجيم في العالم انك تاكلي كل شي ولا تحرمي حالك من شي بس ايش لازم تخففي اكل يعني
بالاول كنت اكل رغيف خبز.............................صرت اكل ربع رغيف او ربع وشوي
كنت اكل صحن كبير ارز..................................صرت اكل صحن صغير
كنت اكل حبتين شوكولا في اليوم...............................صرت اكل حبة او نص ومرات ما اكل(المقصود جميع الحلويات مش بس الشوكولا)
وهكذا
كمان في شغلة كنت متبعاها وهي الفواكه جميع الفواكه كنت اكتر منها كتير وخصوصا الصبح وقبل الغدا وهاي الطريقة بتحافظ على نضار الوجه بشكل رهيب يعني بتنحفي ووجهك ما شاء الله متل ما هو
واخر شغلة اللي هي وصفة من تجميعي لما عملت بحث على النت ومن تجارب البنات وهي نعنع وزنجبيل وشاي اخضر وقرفة وكمون بجيب ابريق شاي متوسط الحجم وبعبيه ماي وبخلي يغلي بطفي الغاز وبحط المكونات وبغطي وبصير اشرب منه خلال النهار المهم ييجي الليل يكون الابريق خالص( هاي الخطوة لتسريع نقص الوزن ويمكن الاستغناء عنها)
وفي ملاحظة كنت اكتر من شرب الماي وبعد العشا ما اكل شي الا ماي واللي بتجوع وما بتتحمل تاكل تفاحة وطبعا رياضة عشان شد الجسم
نيجي للنتيجة
انا خلال 3 اسابيع نقصت 4 كيلو قولو ما شاء الله
وبعد ال3 اسابيع وقفت الوصفة ومع ذلك ضليت انقص نقصت في اسبوعين كيلو
يعني بالنتيجة نقصت 5 كيلو
وادعولي انقص ال5 الباقية
وهاد بالنسبة الي احسن رجيم في العالم
اللي بتستفيد من تجربتي تدعي لاولادي بالصلاح والله يعيني على تربايتهم التربية الصالحة ويكونو قادة للامة
سلام حبيباتي بستنى ردودكم:)