الحجازيه تدخل (الصياديه)

صباح الخير عزيزتي لينا00 يشرفني اكون اول وحده ترد على موضوعك:26:
انا راح اكتب لك طريقتي في الصياديه وان شاء الله تجربيها وتعجبك00
طبعا افضل نوع في سمك الصياديه هو الناجل بلا منازع
وانا عن نفسي اسويها برز بسمتي الشعلان
الطريقه: اول شي نحمر كمية بصل كبيره يعني 6 او 7 بصلات كبيره حتى يصير لونها بني غامق(انتبهي لاينحرق عليكي البصل بعدين يصير فيه مراره)
اخذ البصل بعد مايبرد شويه واحطه في الخلاط مع شوية مويه واخلطه حتى يصير زي العصير لونه بني00
احتفظ بالزيت الي حمرت فيه البصل لاني برجع احط منه شويه عالرز بيعطي كمان نكهه حلوه للصياديه00
بعدين اجيب قدر احط فيه مويه والبهارات الكبيره (هيل وقرفه وقرنفل وخولنجان وشيبه وليمون ناشف وفلفل اسود)من الافضل انك تحطي البهارات في مصفايه خاصه 00 بعدين تخلي البهارات تغلي شويه حتى تطلع نكهتها مضبوط00 بعد كده احط السمك والبصل الي خلطناه في الخلاط00 (السمك ماياخذ وقت كثير يعني تقريبا ربع ساعه او ثلث ساعه)
ولاتنسى طبعا تحطي الملح بالكميه الي تناسبك00
حطي كمان شويه من الزيت الي كشنتي فيه البصل 00
بعد كده تكون غاسله الرز في قدر ثاني ومنقعته مدة عشره دقايق بمويه حاره تصفي من موية الصياديه على الرز وتغطيه وعلى نار هاديه حتى يستوي00
ولما تغرفي الرز تحطي عليه من السمك وحطي عليه رشة سمن بري وراح تأكلي باذن الله وتدعيلي00
(( اذا جربتي طريقتي وعجبتك ياليت تقولي لي))00 :27: موفقه ياغاليه

وعليكم السلام
أختي أهم شي في الصياديه أن البصل يكون كثير
وتحمرينه الين مايصير لونه بني
لأن لون البصل هو اللي يحدد لون الصياديه
وتقبلي مروري

ام راكان تسلم الإيادي راح اسويها باقرب وقت وارد لك خبر
لكن السمك مايحتاج تحمير ؟؟؟؟

وهل ينفع سمك الهامور او لأ ؟؟

معليش تعبتك لكن ان الوصفه عجبتني من وصفها وجزاك الله خير الجزاء

مون لايت مشكوره على المداخله وراح اخذ بنصيحتك


طيب ايش السلطات اللي نحطها وماهي طريقتها ؟؟؟؟


انتظركم ومشكورين

السلام عليكم 00 اختي لينا سمك الصياديه معروف مايتحمر ينحط كده على الرز بعد ماتغرفيه في الصحن يكون شكله كانه مسلوق00 يعني لازم الله يعينك تسوي جنبه سمك مقلي00 اكيد ينفع الهامور كمان في الصياديه0000
جربيها وان شاء الله تعجبك00

جزاكم الله خير يابنات

استفدت