اختي .. انا مثلك يالغلا زوجي ما يحب الدهون ... فآنا اذا سويت السمبوسه ...وجيت اكشن لها .. المقدار اللي احطه من الزيت في الكشنه غطاء واحد مليان ..< غطى علبه الزيت ... واسوي السمبوسه برقاق السنبله .. وقبل ادخلها الفرن ادهن وجهها بملعقه حليب بودره وشوي مويه < يصير ثقيل شوي .... واحمرها في الفرن بس على الوجهين ..
وكمان في خلطه السمبوسه ... لاتخليناها كلها لحم .. انا احط معاها جزر مبشور < جزره وحده كبيره مبشورهـ .. وبقدونس وشبث مفرومين بس مو ناعم ...
كذا راح تقللين من الدهون في السمبوسه ..
والسحور > ما اكشن ابدا .. اسخن المويه واحطها قدر الظغط واجيب بصله واقشرها واقسمها نصين بس وارميها .. واحط خولجان
وقرفه و5 حبات هيل ومكعب واحد ماجي واطحن 3 فصوص ثوم وحبه وحده طماطم وملعقه صغيره معجون طماطم واحطهم كلهم
في قدر الظغط .. مع اللحمه .. < وبدون زيت .. وبعد ما تستوي اللحمه بنص ساعه لا تطلعينها حطي عليها رز حبه طويله وانا استخدم
رز بسمتي حبه طويله .. وجزره مقطعه وبطاطسه مقطعه .. واضغطيهم كلهم سوي 10 دقايق وقدمي الكبسه .
والله طعمها روعه وبدون دهون < على ظمانتي يالغلا
TWDOD
•
حبيبتي حطي السمبوسه بالفرن ودهنيها بلبيض وزيت زيتون مخلوطين سوا رهييييبه وتكون طريه يالغاليه
نصيحتي لكي لاتقلي السمبوسة والحشوة لاتحطين عليها زيت .. واحرصي أن يكون الزبادي موجود على السفرة والثوم أيضأ مثلاً سوي سلطة زبادي بالخيار.. ترى ممتاز يقضي على الدهون..
الصفحة الأخيرة
يمكن هو مثلي عنده القولون !
بدل اللقيمات والقطايف سوي خلية نحل ولا كنافة او اي شيء مخبوز افضل من المقلي
السمبوسه سويها بالفرن بدل القلي .. او استبدليها بالمنتو او الفرموزه او المطبق
شوفي المنتو حق لولاتو يفتح النفس ماشاء الله
http://forum.hawaaworld.com/showthread.php?t=1894544
المعجنات والفطاير بصفة عامة حلوة وتشبع وتغنيك عن السمبوسة والزيوت ... ولا تنسين السلطه ضرورية
وبعدين مو شرط كل يوم شوربه وسمبوسه ...
سوي يوم صينيه خضار ويوم ملوخية ويوم فول وتميس ... الخ << احنا اليوم فطورنا فول وتميس
الحمد لله والشكر على النعمه الواحد يمل من التكرار فما بالك اذا الاكل مقلي كل يوم ..