خواتي في دول مجلس التعاون, الأسبوع الماضي صادورا في قطر طلبيات اخت عزيزة بواسطة الجمارك وحولوا اغراضها على الصحة وقالوا ممنوع دخول اي اعشاب, حتى لو تأكدوا انها غير ضارة, رغم انها دخلت واسطات بس ماقدرت تستلم طلبيتها, واليوم جاني مسج من اخت في المملكة, صار معها نفس الشيء, وانا اتصلت بالبريد الرسمي عندنا وسألتهم, فقالوا نعم الدول تمنع إدخال الأعشاب والناس هم وحظهم إما تمر بدون ما رجال الجمارك يصادرونها وممكن تتصادر وتتلف, كل وحده وحظها(مزاج) وعلشان ما اظل في حالة قلق, وعلشان مااشيل في ذمتي علمي بالشيء, وانتوا غافلين قلت لازم تعرفون, وعلشان كذه من اليوم اعلن اني اتوقف عن البيع لخارج الإمارات حتى يتغير الوضع بشكل رسمي واكون متأكدة ان الإرسال والتسليم صحيحين, مااريد استلم حقي وصاحبة الطلب ماتستلم وتظل تتحسر لا هي من فلوسها ولا هي من طلبيتها, رغم ان قانون البيوع في الشريعة الإسلامية مايلزمني اعوض الاختين لأني بعت وارسلت ومش انا السبب في عدم تسلمهم, إلا اني كنت مستعده ارسل لكل وحده طلبيتها بس عن طريق حد مسافر, لكن للأسف ماعندي
علشان كل هذا اعلن من الحين ومن تاريخ اليوم19/3/2006- الأحد اني مابقدر ابيع لخارج الإمارات حرصا على الأمانة مع كل اخت خارج إماراتنا, ومتأكدة وواثقة ان ربي بيعوضني خير.
الرفيعة @alrfyaa
عضوة جديدة
يلزم عليك تسجيل الدخول أولًا لكتابة تعليق.
ملاك الود
•
جزاك الله خير اختي
كثر الله من امثالك وجزاك الله خير وفعلا
والناس هم وحظهم إما تمر بدون ما رجال الجمارك يصادرونها وممكن تتصادر وتتلف,
والناس هم وحظهم إما تمر بدون ما رجال الجمارك يصادرونها وممكن تتصادر وتتلف,
الصفحة الأخيرة