كيكه 2×1

مرحبا
القصد انها مقادير وحده بس لها نكهتين كل وحده احلى من الثانيه

هذا الطحين المستخدم وهو الاسمر


سامحوني على رداءة الصور الاضاءه مو ضابطه

المقادير
6 بيضات كبيره او 7 لو كانت اصغر
كوب و1/2 طحين منخول مع ملعقه صغيره بيكنج باودر و ذرة ملح
كوب سكر
1/2 كوب زيت
ملعقه اكل هيل ناعم
قليل من الزعفرتن
ذرة فانيلا
تخفق البيض جيد لمدة دقيقه ثم اضيفي السكر اتركيه على سرعه عاليه 5 دقايق حتى يتضاعف اضيفي له الفانيلا والهيل والزعفران
خففي السرعه الى اقل شي يعني 1 وبالتناوب اضيفي الطحين مع الزيت بسرعه وبخفه عشان لا يهبط العجين ما ان يختلط وقفي الخلاط المفروض ما تاخذ منك هالخلطه 1 دقيقه وحده وبس
ارفعي الخلاطه وبالملعقه وبإتجاه واحد قلبي من تحت لفوق حتى تتأكدي من ان الخليط متجانس
ادهني اربع قوالب المنيوم صغيره (انا استخدم قدور صغيره عشان حفتها عاليه شوي )
بالزيت ثم بالطحين
قسمي الخليط فيهم رشي عليهم سمسم وتخبز نص ساعه بس


تخرج وتبرد
وتقلب


النكهة الثانيه بنفس المقادير السابقه
بس بدون هيل وزعفران
ملعقه اكل زنجبيل مطحون واخرى مثلها قرفه ناعم
وتكون الكيكه غامقه شوي
وتخبز في قالب الكيك العادي