كراميل ماكياتو
رأيي يتعارض معهم ...

حتى لو كنتي حلوه حبيبتي هذي ليله عمرك لازم تكونين مميزه .... حتى بمكياجك

لان ماراح تسوين مكياج بالشكل هذا بعد كذا ... ومن ناحيه يفرق فهو يفرق المكياج ب 500 يفرق عن 5000

بس انبهك اختاري وحده كويسه وضامنتها .... وانا ان شاء الله ماراح اتعدى 3000
بس اسمعي نصيحتي اول مره يشوفك وليله بالعمر ما تنعاد ....

حتى لو حلوه زياده الخير خيرين وكل الحلوين بزواجاتهم يصيرون احلى واحلى

والله يوفقك ياقمر ...
blsm
blsm
انا اقول شوفى المحل الافضل و اللى شغل احلى و اجمل و خاصة اذا كان يوم فرحك فهادا يوم مميز مو مهم انو يكون غالى عندى فكرة ادعىدعء الاستخارا و ربنا راح ايسهلك امرك ان شاء الله و راح يرضيكى عن تجربة ادعى و شوفى راح تلاقى الامر تسهل بدون متفكرى فى و الله يوفقك
عبورا
عبورا
انا فاهمة عليك اختي شهلى
بس انا اقصد بالخدمة المكياج نفسه عند نفس الكوافيرة لو انتي انسانة عادية بتحظرين زواج تسويلك ب200_250 واذا اعرفت انك عروس طارت بالالاف وهي هي نفس الكوافيرة تحسين استغلال للمهر وبس.........

وحتى في موضوعك اختلفوا بنت حواء بس في الاول والاخير الراي رايك والله يوفقك:27:
&همســة حــب&
&همســة حــب&
ياعمررررررررررررري طيعي شوري
اذا تبين من جد كوافير ..روحي لمشغل وســـــــــــام وأطلبي ريمــــــا والله والله ياان شغلها فن وخيال ..
ماشاءالله والعروس يسونها بس ب 2000 ..احس الفين ..يعني معقوله
والراي راايك
اما اذا كان اول مره يشوفك ..يعني الشوفه اللي من بعدها يكون القرار بالملكه والزواج
اسمحي لي اقولك انتي غلطانه مليوون بالميه انك تروحي كوافير؟؟؟عشان الشوفه
ياحلوووه خليك ذكيه ..كيف تبين يكون لك شكل حلو ومميز وخاص بالمكياج الصارخ والمميز بالملكه والعرس؟؟؟
خليه يشوفك على طبيعتك حطي بس كحل داخلي ومسكرة وبلاشر وردي فااااااتح وقلوووووووووووووووس على زهر
عشان يبين ان لك شفايف مليانه ..
ولااوصيك المشيه الرزة ومن هالحركات..:26:
تبّــــوله
تبّــــوله
اقول لج انا ايش سويت

طبعا الحمد لله انا حلوة

يعني راضيه بتقاسيم وجهي وما في مشاكل ببشرتي <<<<< ايام زمان

وكنت احب المكياج الخفيف

يعني صح حفلة خطبتي وبيشوفني لاول مرة.. بس كمان ما بحب المكياج الثقيل اللي يسوونه بالكتالوجات.. يعني احب بعد المكياج اكون انا نفسي مو وحده ثانيه <<<< ناقصني انفصام بالشخصيه :17:

فحجزت مو كاني انا العروس.. بس كاني بحضر حفله لصديقه..

طلع مكياجي والحمد لله رووووووعه.. وانهبل فيني وللحين امووووت في صور الخطبه.. مع اني دفعت شي بسيييييييط والله لو اقول لج كم ما تصدقين!!


لكن شوفي بالزواج ايش صار

اضريت اجيب وحده على البيت لانه ما في احد يطلعني من المشغل..وكانت اللي سويت عندها بالخطبه ما تيجي على البيت.. فدفعت مبلللللللللللللللغ وطلعت اخررررررررررع والله للحين مخبيه الصور مو قادره اتطلع فيهم.. لانها عجبت علي.. وصديقاتي بدل ما يقولو لها ايش اللي مسويتيه وعدلي لها خلوها تروح بعد ما سحبت كل فلوسي وصارو يعقدوني قبل لا انزل على الصاله وكلهم يقولو بدون مكياج احلى مية مرة <<<<< نفسيتي صارت زفت


الخلاصه

اذا انتي متطمنه انه شغلها زين قولي لها انج بتحظرين زواج وبتطلج نعوووومه .. وبربع التكلفه اذا مو اقل


بالتوفيق قمورتي