كل متزوجة .. الزوج .. ليلة العيد .. تعالوا شوي!

هلا والله ..

بنات ابي منكم تعلموني وشلون يكون العيد عندكم ؟؟ ومتى تقضون عيدكم مع ابوكم(زوجك) ؟؟

يعني مثلا ..
عمتي .. تمر الصبح عند اهل رجلها وتعيدهم تقعد يمكن نص ساعه ..
وبعدها تجي عندي اهلها (اللي هم حنا) وتقعد لين المغرب .. احيانا تتعشى عندنا مع عيالهاا .. واحيانا يجي زوجها ياخذهم يعشيهم برا ..

انا ماعندي عيد .. لاني في غربه فمقابله رجلي وهو مقابلني خخخخخخخ ..
بس انا كنت افكر اذا استقرينا ان شاءالله وشلون بيكون عيدنا !

فقلت بشوف بنات حواء وشلون يتعايدون مع اهل رجلهم .. ومع رجالهم ..

يعني هل لك ليله معينه مع زوجك تقضينها ؟
لازم تكون اول يوم العيد ولا تكون ثاني العيد ؟
هل زوجك يسهر مع ربعه او اخوانه او استراحه الربع على قولتهم يوم العيد ؟
هل تنومنون عند اهلكم ؟

يالله حطوا طريقتكم يوم عيدكم