عواطف تركي :

السالفه خيانه لا حول ولا قوة الا بالله طالما يخون من زمان وامك تعرف وهو عارف انها تعرف ومفضيه له الجو والمكان تاركته يمارس خيانته وهي صامته وكأنها تقول له راضيه كذا طبيعي يتمادى لانه مهما عمل الوضع عادي ماراح يخسر شي ومع احترامي لرد الاخت تقول كلموه او اجلسو معه عشان يحس ويسمع منكم انتو بناته واولاده اقول غلطانه هذا رجال كبير كيف بنته تنصحه عن الخيانه اكيد بيتفل بوجهها ويكفخها ووقتها بيدخل البنات بالبيت علناً بصراحه مدري ايش الحل المناسب لحالة امك يعني لو قلنا روحي بيت اهلك وازعلي ولا تردين عليه ما اظن بينفع لانه تعود انها تسكت وهو تعود على الخيانه وتمادى فيها كثير لدرجة عادي تنام عند العيال واذا طلبها لحاجته جاته مسرعه ولا كأنه خانها ابوكم اموره تمام التمام المشكله في امكم خلوها تشوف لها حل صارم وتقوي قلبها كثير يعني اول شي تكون جاده في انها تبحث عن حل نهائي للمشكله وتحط خطه معينه وتتحمل نتاجها مهما كانت وتكون صبوره وقلبها قوي ماتضعف ولا تلين لغاية ماتاخذ طلبها كامل مثلاً تكتب له رساله تعبر عن اللي بخاطرها توضح انها صبرت على الخيانه والبعد وانها محتاجه منه يكون زوج وسند يعني تكتب اللي بخاطرها وتبلغه انها تطلب منه يبدأ صفحه جديده واذا استمر على خيانته مثلاً تزعل تروح بيت اهلها بدون ماتعلمهم عن السبب بس تقول بجلس عندكم استريح وتقطع التواصل مع زوجها نهائي ولا ترد عليه ولا تكلمه وهو اكيد بيكون عارف السبب واذا جاء عندها البيت تحاول تتهرب بأنها نايمه وبعد كم يوم اسبوع اسبوعين ترد عليه وتسمع وش كلامه واذا كان كلامه اعتذار وطلب صلح ترد عليه بجفاف كلمه ورد غطاها وتأجل الرد وتتعذر ان اهلها ينادونها ومره ثانيه اذا كلمها تقول له عن الرساله وانها شرحت له كل شي اذا هو جاد في انه يلم شمل العايله ومايشتتها يصلح كل شي وتخلي رجعتها بشروط تكتبها ورضوى ولما ترجع تغير من تفكيرها وشخصيتها وحتى تعاملها معه مايكون فيه طيبه زايده خليها تكون مره مره ثقيله ولا تضحك له ولا تحسسه ان كل شي تمام برجوعها وخلاص انحلت المشكله بسهوله بالعكس تخليه يحس ان قلبها لسه عايفه وانها مجروحه وان الايام كفيله تطيب الجروح يعني تخليه ينشغل فيها وين مايروح يفكر فيها وش اللي قلبها عليه اول شي تستخير وتستعين بالله ولا تسوي شي الا هي مقتنعه فيه وتقوي قلبها وتكون متحمله النتيجه مهما كانت يعني تحط في بالها ربما زوجها بايعها وبيطلق

السالفه خيانه لا حول ولا قوة الا بالله طالما يخون من زمان وامك تعرف وهو عارف انها تعرف ومفضيه له...