انا خسرانه مثل زوجي بس دايم اضحك في وجهه

واقول ياشيخ احمد ربك انك مابعت بيت ولا احتجت لسلف

يعني مال فايض ودخلت توسع صدرك به احمد ربك على نعمة العافيه والصحه اللي ماتتعوض بمال

واقلبها ضحك ونتناقش في الاسهم وشلون نزلت وش تتوقع ومن تتوقع السبب وهكذا

احاول اطلع على اخبار الاسهم عشان اعرف اسولف معه اونسه...

مع انه ياكثر مايصول ويزابد عند اتفه سبب وبعدين يستحي ويعرف انه غلطان

بس ماالومه واحاول الطف الجو الشكوى على الله وحسبي على من كان السبب

والله انتم صادقين حسبي الله على من كان السبب بس ياليت الي عندها افكار ثانيه تشاركنا نستفيد

الله يعين ويصبر واللي فاقع مرارتي انه راح يبيع الونيت وحط قروشه في ذا الاسهم اللهم لك الحمد صار عنده ادمان

ياحظ اللي ماله بالاسهم وهمها والله ورطة ونشبنا فيها الله يفرجها وتوبه نعيدها كل تعبنا راح