يارب اللي تدخل موضوع تفرج همها وتيسر امورها يارب (عندي فطور لعزابية أول يوم وش أطبخ؟)

فتة حمص مثلا او فته فرنسيه
ممكن سمبوسك البف مع روب
سوي مثلا نوعين سلطه ونوع شوربه باللحم وفته ومحشي كوسا او او وسوي طبق رئيسي مثلا برياني دجاج مع حلا بارد على الصفره وبعدها حلا قهوه مع الرطب والقهوه والفيموتو لاتنسينه وبس هونيها وتهون

لو تذكرين البلد ممكن نساعدك بشغلات جاهزة إضافية

هو أحسن شيء تفرزنين وان كان ما عندك مكان عالأقل تجهزين الحشوات فقط

الحلى:
أصابع الكيري أو السمبوسة الحالية
ممكن تقلينها في وقت مبكر بس بشرط ما تغطينها ولا تحطين عليها الشيرة إلا قبل التقديم
خلية نحل تقدرين تسوينها وتفرزنينها << ما قد فرزنتها بس يقولون تضبط
سينمون بنت عمي تسويه استواء كامل مو نص استواء
و تفرزنه وقبل التقديم تحطه في المكرويف وتحط عليه الصوص تقول ما يتغير

حاولي ما تسوين لقيمات وجبنيه لأنها تاخذ وقت ولازم في نفس اليوم

الموالح:
شوربة لحم ممكن تسوينها مبكرة << كثريها لأن أحس الرجال يحبونها
صينيتين مكرونة بالباشميل جهزي حشوتها قبل بيوم
والباشميل تلقينه جاهز

أو سوي مكرونه بالدجاج و قشطة الخفق مريحة وسهله ولذيذة في نفس الوقت
وتقدرين تجهزين حشوتها قبل

جيب التاجر تقدرين تفرزنينه وتجهزين الحشوة قبل بيوم أو تفرزنينها بعد

طريقته تفردين خبزتين توست فوق بعض وتقصينها بشي دائري
وتغمسينها في بيض بعدين بقسماط وحطيها في الفريزر
وتقلينها متى ما احتجتي وتحشينها
وصلتني الطريقة من قبل و ناوية أجربها ان شاء الله
تقول اللي مسويتها ان البيض ما يخرب في الفريزر ان شاء الله

الحشوة تكون دجاج أو خضار يعني اللي تبين

سمبوسة أو سبرنق رول تفرزنينها
مع ان الملفوف والمحاشي أحس تغنيك عنهم

وحطي الفيمتو والعصيرات والقهوة والموية والتمر وما شاء الله بتصير سفرة عامرة ان شاء الله

وشوفي هالموضوع راح يفيدك ان شاء الله


الله يعينك ويكتب أجرك :)

احس المعجنات انفع شي يخبوها الرجال

أدخلي الرآابط ..

http://forum.hawaaworld.com/showthread.php?t=2523823

سوي خلية نحل واصابع عروس وبلح الشام
وكبة البطاطس وبيتزا وورق عنب
وشوربه وسمبوسة

بالتوفيق الله لايحرمك اجر تفطير الصائم