دعوة للتفائل لكل خريجة حققي ذاتك

مرحبا ..أعرفكم على نفسي أنا خريجة 1426جامعه الامام والآن مازلت ادرس ماستر موازي بجامعة الامام قسم دعوة طبعا أول ماتخرجت من البكالوريس درست في معهد البيان لإعداد معلمات القران سنتين 1432درست دبلوم تربوي 1433 درست ماستر موازي ومازلت ادرس لاني أحب العلم وكذالك لاوظيفة ولاشيء وعلشان عمري مايروح على الفاضي قلت اكمل دراسة مع. ان الماستر الموازي مايعترفون فيه كوظيفة محاضرة بس وش نسوي لاجدارة تبغانا ولاشيء 1432درست في مدارس الرواد لمدة أسبوعين كرفونا كرف والراتب 3000 وكلها تروح على الباص وقلنا الحمد الله أهم شيء مانجلس عاطلين وننجز بالحياة ونسوي هدف ونحقق ذاتنا لكن المدارس الاهليه مالهم ضمان بمجرد مارجعت البديلة اللي جيت بدالها قالوا لي مع السلامه طبعا عصبت وزعلت ورضينا بالأمر الواقع والحمد الله خيره لأني حيل طموحه والواحد مايجلس مكتوفي الأيدي يكافح في هذه الحياة سجلت بدبلوم حاسب الامام 1433 بس قبلوني الماستر واعتذرت من الدبلوم وان شاءالله ناويه إذا تخرجت من الماستر أكمل الدبلوم طبعا الدبلوم مدته 6 شهور بس الامام تسميه دبلوم تعاوني للحاسب والرسوم 1800 وتداومين 3 أيام بالأسبوع وتختارين الوقت الللي يناسبك وهالدبلوم في حي الملز وفيه دبلوم اخر دبلوم حاسب سنتين في حي النفل في جامعة الامام تدفعين 5000 بالترم وباقي الاترام منحة وهذه اخر سنه بالمنحة طبعا ليش تكلمت عن الحاسب علشان اللي تبغى تسجل نرجع لموضوعنا الرئيسي طبعا يوم أخذت الدبلوم التربوي فرحت قلت الحمد الله يمكن اتوظف في جدارة علشان صرت تربوية وجت المكرمةً وتفائلت وأخترنا مناطق بعيدة وماطلع اسمي والحمد الله خيره وألغت جدارة خبرة المدارس الأهلية وخبرة الحاسب وركزت على النقاط الا على واستناسنا وسبحان الله زميلتي سجلتني لان النت كان عندي عطلان وسبحان الله وبدل ماتكتب تاريخ تخرجي 1426 كتبت تاريخ تخرج الدبلوم التربوي 1432 أنا وطلعت النقاط بجدارة وطلعت نقاطي 63معقوله لأنهم حسبوا تاريخ تخرجي 1432 والمفروض نقاطي 76 لاني متخرجة 1426 طبعا زعلت وعصبت لان لو تاريخ تخرجي صحيح كان طلع اسمي في المكرمه بس الحمدالله خيره الواحد يستفيد من أخطائه ومايعتمد على الاخرين بتسجيل بيناته الان جدارة. طالبين نختبر قياس على إي أساس نختبر؟؟؟ تعجيز في تعجيز انا أختبرت قياس للماستر نفس اختبار قياس للثانوي اسئلة كمية رياضيات ولغوية ومن يوم طلع الخبر قياس معلمات قلت بطلع على النماذج يمكن الامتحان يطلع سهل لكن الأسئلة نوعا ما دقيقة وماعندي استعداد اذاكر من اول وجديد خصوصا اسئلة مناهج وطرق تدريس لان أسئلة الدين سهله ومعروفة وكلها أحكام دين وكنت ناويه اختبر لكن يوم شفت اسماء التعين قليلة والاحتياج السنوي قليل وماطلع اسمي تحطمت وقلت الحمد الله الواحد مايدري وين الخيره معه ويوم طلعوا قرار اختبار قياس وطلع الموضوع جدي فكرت كثير واستخرت وقلت ماراح أختبر سنين راحت من عمري وبالنهاية يقيمونا على اختبار ساعتين عمر التدريس ماكان كذا التدريس مهارة مو اختبر وإذا نجحت اتعين حلوة هذه ومدة صلاحية القدرات 3 سنوات بامكاني أختبر وأشد حيلي بس طابت النفس من جدارة وكذالك قسمي مايساعد بالتعين وجانا عمي حافز وفرحنا واستأنسنا فيه قلنا يعوض سنين البطالة اللي عشناها وقلنا بيوظفونا حافز وبالنهاية اطلع موظفة في سنابل السلام خريجة جامعية وبالنهاية كاشيره الشغل مو عيب والواحد يسعى في رزقه لكن هذا العمل انا مااحبه ومجتمعي مايقبله وبالنهاية فرحنا بيمددوا حافز وماشفنا شيء والآن الميزانية طلعت ماشفنا اي قرار بخصوص التعليم طبعا قدمت اوارقي ع جامعه الامام اطلع موظفة إدارية او اي شيء وماتوظفا لان الواسطاا ت لها دور فعال في المجتمع المهم أنا باقي لي سنه واتخرج من من ماستر موازي كود اذا خلصت ماستر اتوظف محاضرة بالكليات برا الرياض لان جامعه الامام ماتعترف فينا يوظفون ماستر صباحي علينا طيب أحلامي كثيرة ناويه أكمل دكتوارة باذن الله كود اذا أخذنا دكتوارة نتوظف خخخخخخ وانتهت قصة حياتي انصح كل وحدة خريجة تطور ذاتها وتدخل دورات ولا تجلس مكتوفة الأيدي لازم الواحد يطور نفسه وذاته ويصبح فعال في المجتمع ويحقق السعادة بتحقيق ذاته ولا ينتظر عمتي جدارة راح العمر ونحن ننتظر عمتي جدارة لذالك انا زعلانه عليهايوم. حطت اختبار قياس لذالك قررت ماراح اختبر ورزقي بيجيني بدون اختبار قياس ..يلا كل وحدة تقول لنا قصة حياتها وتخرجها وش سوت بعد التخرج ..دعوة للتفائل وللفضفضة ولتحقيق الذات ويارب يسر أمورنا وحقق مرادنا وارفع درجتنا دنيا وأخرى