والله الموضوع حرك كوامن نفسي آآآآآآآآآآآآآآآآه ه ه ه ياقلبي لاتحزن كنت باولادي اللي قبل احط العيال عند امي وانا مرتاحة البال ولا أحاتي بس الحين الله المستعان .................... توفت الوالدة ومالي إلا رحمة الله ومكان سكني بعيد عن أي حضانه الشكوى لله ولا في احد يبغى يتحمل أحد .................... أقول الله يفرجها

غريبة انكم ما فكرتوا فيت تحطوا البيبي الا بعد الحمل

انا من قبل لا اتزوج و انا مفكرة في ذا الموضوع

طبعا مالي غير امي و اختي الله يخليهم لي ولو ان اختي شوي عصبية
بس ذا الحل الوحيد

انا طالبة ايضا وان شاء الله لما اولد باخذا اجازة حتى لو فاتتني سنة لأن انا عانيت الأمرين اليما حملت فحرام اخلي البيبي يتربى بحضن احد غيري ..

على العموم انا اخذت اجازة هالكورس من الجامعة لأن كنت احاتي الحمل واوجاعه

في حملي الأول كنت كثيرة التفكير بالموضوع وبالأخص كنت طالبه فإتفقت مع زوجي اني اخلي الولد عند أمي لمدة 3 أشهر بعدها اخليه عند عمتي ام زوجي ووافق بعد ما كمل ولدي 3 أشهر وتعدلت اوضاعي فكنت يوم عند الماما ويوم عند بيت اهل زوجي بس المشكلة اني الحين اني حامل فإذا ولدت بالسلامة يكون عمر ابني سنه و8 شهور فمحتارة وين احط عيالي اثنينهم مايصير اخلي واحد عند اهل زوجي وثاني عند امي، وما يصير اخليهم 2 عند امي وايد صعبة فتصلت لكذا حضانه بس للاسف ما يقبلون إلا في سن سنتين فما ادري شو اسوي .

مشكورين كلكم على المرور والفضفضة اللي انشاالله كلنا نستفيد من بعض
نيال البنات اللي راح يحطو المولود عند امهاتهن انا عني ما بقدر لانه امي بعيدة عني وحماتي مريضة ما تقدر تدير بالها عليه ..... ياربي شو اعمل
ما ضل عندي الا الحضانة اللي راح اعمل جولة عليهن لحتى اختار واشوف الانسب من ناحية النظافة والمكان وعدد الاطفال
عندي سؤال للي جربوا الحضانات او عندهن فكرة شو الانسب حضانة رسمية ومعروفة او عند وحدة عاملة حضانة ببيتها ؟؟؟؟ انا يمكن بفضل الرسمية اكتر بس بدي رأيكم ....