معقوله !!!!!

السلام عليكم ورحمة الله وبركاته
خواتي بحكي لكم موقفي وابي رايكم
البارح زوجي كان عنده خفاره ورجع اساعه 6 الصباح
ويوم جاء رحنا ننام وانسدحنا وقاعد يحكي لي عن موقف مخيف صارله بالدوام
هو الموقف صار لصحابو وصاحبو دق عليه وقالو
فزوجي حكاني عن السالفه المرعبه اللي حصلت مع صاحبو
حكاني وغرفتنا ظلام فا انا خفت وجلست وقعدت اطالع في زوجي وحسيت نظرتو غريبه
فصرخت صرخه خفيفه وقلت لزوجي قول قل هو الله واحد
فزوجي قالي ي فلانه وشبك فصرخت
فهو جلس وتغير صوتو صار فخم مرررررررا فا انا صرررررررررخت وقمت هربت من الغرفه
وقفلت علي الصاله بالمفتاح ولحقني زوجي وقعد يدق ع الغرفه ويقول ي فلانه افتحي انا فلان ويحاول يقرا قران بس متقطع وقعد يبكي >> وكان صوتو مرررا متغير
وبالرغم خوفي انا كنت خايفه عليه فتحت الباب
وضمني وبعدين صوتو تعدل
المهم ع طول اخذنا عفشنا ورحنا بيت اهلي انا في جده واهلي مكه وطول الطريق نظرتو متغيره
فهو قعد يبكي ويقول انو خاف علي عشان كذا صوتو تغير
وانا بكره لازم ارجع معاه البيت لان اخاف يرجع لحالو
ومادري كيف رح ارجع ادخل البيت احس قلبي ناغزني
بنات معقوله زوجي يكون فيه شئ ؟؟؟؟؟؟؟
هو محافظ ع صلاتو تماماً في وقتها ويقول الادكار ويقرا قران بس مو عارفه ايش رايكم ؟؟
هل انا زودتها ؟؟؟