هلا حبيبتي صدى الاشجان
انا باقول حاجة وياليت ماتفهميني خطأ ويشهد الله انا ماسمعنا عنك الا كل خير
لكن اذا انت غلطتي في رقم الحساب وهي مالها ذنب وقامت وارسلت الحوالة لك وماوصلت فاسمحيلي الغلط منك مو منها وانتي لازم تتحملينه اول شي يكون درس لك ثاني شي هالمسكينة مالها ذنب انها تخسر فلوسها وتخسر بضاعتها بعد وعشان يكون الموقف واضح اكثر حطي نفسك بمكانها بتحسين بالي قلته وهذا حقها مع انك انتي ايضا ماستلمتي الفلوس وراح حقك بس لازم تتحملين غلطك
وممكن ترسلين رسالة خاصة للعضوة توضحين فيه هالشي لانها الى الان ماردت
ممكن تكون زعلانة عشان انتي نشرتي الموضوع عالعام وماحد قال ان الحق معها وحست بالظلم من البنات او شي من هذا القبيل ,,,,,,تفسر على كيفها الاخت :D
معليه حبيبتي لو كان كلامي ضايقك او شي لكن والله كله للمصلحة العامة
وبعدين وش قصت تركك للنتدى هي غلطة وان شاء الله تنحل وتاخذين انتي بعد درس والحياة حبيبتي كلها دروس
اسأل الله لك التوفيق والسداد
كما اسأل الله للاخت الهامي التوفيق والسداد
وان يجمع بينكم على اخوته في الله :27:
اسفة عالاطالة

الاخت صدى الانسان غير معصوم من الخطأ مادام انتي اعتذرتي لها وخلاص ما دام نويتي انج ترجعين لها الفلوس او تعطينها طلبيتها والله يعوض عليج
احنا ما نشكك فيج انتي معروفة بيننا وشهادتنا مجروحة والاخت الهامي عندها حق في انها تزعل واللي عليج سويتيه واعتذرتي لها

اخواتي : أنا قلت واعترفت انها غلطتي انا عطيتها رقم الحساب خطأ وارسلت لها عالخاص كم مرة بس ما ترد علي واحاول انها تعطيني رقم حسابها علشان احول عليها المبلغ واعوضها
انا بنفسي ما ارضاها عليها وعلشان جذيه انا عرضت الموضوع عالعام يمكن الرسايل ما وصلتها او انها ما تدخل المنتدى يوميا ويمكن وحدة من الاخوات تعرفها وتخبرها وتريحني من هالمشكلة ..

وانا ما اتغلى ولا اريد اشوف معزتي عندكم او عدد الردود انا عارفة غلاي عندكم وما اريد دليل بس انا لما قررت اطلع من المنتدى اطلع كمشاركة في العروض التجارية لكني موجودة وما استغنى عن المنتدى ولا عن بنات المنتدى اللي اتعرفت عليهم ..

صدى الأشجان..عجبني مبادرتكِ بالإعتراف بخطأك..واعلان ذلك وافراده بموضوع خاص..
أسأل الله أن يصلح بينكما ويظهر الحق..ومسألة توقفكِ عن المشاركة بعالم حواء أدعوكِ لمراجعة الأمر وصلاة الإستخارة..فما حصل ممكن يحصل لأي وحده والإنسان مو معصوم من الخطأ..الله يوفقك وييسر أمورك بما يحبه ويرضاه

السلام عليكم

اختي صدى الاشجان.. اذا البنت ما ترد عليج .. يمكن عندها ظروف تمنعها.. والغايب حجته معاه... عيني خير غناتي وان شاء الله تتوصلون لحل يرضى جميع الاطراف