حامل وتعبانه وزوجي يقول فقدت الثقة فيك.. اللي ترد علي الله يوفقها //اكتفى من الردود

بنات انا حامل وتعبااااانه بشهوري الاخيرة.. ونفسي براس خشمي..

امس زوجي جا من الدوام ودخل ينام.. وانا كان مزاجي شين..

دخلت صحيته وتهاوشت معه.. قام وهو مفجوع وشدينا بالكلام..

هو يقول لي اذكري الله.. وانا ركبني ابليس وهزءته وهاوشته..

قام هو انفعل وشدني من شعري ومخش يدي..

صرخت عليه وقلت بروح بيت اهلي..

فأخذ عبايتي ورماها وحلف علي ان طلعتي اني طالق بالثلاث..

فقلت له كانك رجال طلق.. فضربني على كتفي بقوة..

اخذت جوالي وركضت عالحمام.. قفلت الباب وكلمت ابوي.. قلت له يجي ياخذني..

قال ابوي اعقلي واركدي ببيتك.. قلت له ترى فلان طقني.. قال اجل بجيك..

طلعت وقلت لزوجي ابوي جاي.. هو هنا انصدم بقوووووه.. يقول اخر شي اتوقعه منك..

قلت له على بالك لاقيني بالشارع تضربني واسكت.. لا حبيبي انا وراي اهل..

المهم.. ابوي ولله الحمد رجل عاقل.. جانا على طول.. وجلس ينصحنا..

وزوجي دمعه عينه وصاح قدامه.. وهو يقول والله ياخال اعزها واغليها بس انها ماتحترمني..

انا هنا اكسر قلبي بقوووووووووووووه.. وحسيت نفسي ولا شيء..

المهم ابوي نصحني ونصحه وقال بتعشى عندكم اليوم..

سويت انا سلطة وزوجي جاب رز ودجاج من برا.. وتعشى ابوي ومشى هو يحرصنا على بعض..

من بعد ما طلع ابوي وزوجي وجهه منصفق.. وكاره نفسه..

اكلمه ما يرد علي.. وطلع وتركني وبعد نص ساعه رجع للبيت ولبس بيجاماته ودخل ينام..

علما بأنه مو عادته ينام قبل وحدة بالليل.. انا دخلت وراه ولقيته حزيييين..

يقول كسرتني عيني قدام ابوك.. مالي وجه اناظره.. فشلتيني حرام عليك..

وقال ان الثقة بينا انعدمت تماماااااا..

خصوصا انه سبق وصادني ناقلة لامي كلام عن مشاكلنا.. يقول ماتحافظين على اسرار بيتك..

قلت له انت اللي حديتني.. ما كان له داعي تلمسني المفروض تحملت وراعيتني..

قال لي طفي اللمبه بنام.. وشفت الحزن كله بوجهه.. يعني كاره نفسه..

انا من طلعت من عنده وانا مغتثثثثثثثثه.. احس عملت شرخ كبيييير بينا..

متفشلة منه ومن نفسي ومن اهلي.. ماكان له داعي اخلي ابوي يركض ويجي وافضح بيتي..

خصوصا اني احب زوجي مررره وهو متأكدة يحبني ولا يقصر معي ماشاء الله..

بس دخل بينا شيطان وخرب كل شيء..

ماني عارفه كيف اعالج الموقف... ارجوكم ساعدووووني..