,,قصة ولادتي بسارة,,

السلام عليكم ورحمة الله وبركاته كروشاتي الغاليات اتمنى لكم ولادة ميسرة باذن الله مااطول عليكم في اليوم الي ربي كتب فيه اني اولد كان اربعاء واولادي ينتظرون مني اوديهم منطقة الالعاب بالمجمع الي دايم نروح فيه بالويك اند المهم طلعنا المغرب وبديت احس وانا بالسيارة بالام مثل التقلصات الي طوال الشهرين الاخيرة تجيني ماعطيتها بال بس بدات تزيد فقلت للاولاد وش رايكم نأجل خروجنا للالعاب بكرا باذن الله وروحوا الحين خذوا لكم اشرطة للبلاي ستيشن وافقوا ع الفكرة وحنا جنب محل السوني حسيت بالالم تزيد ولاجا في بالي قلت كالعادة تعاديل خخخخ وقفنا عند الصيدلية ةاخذت سكوبينال للتقلصات وبلعت حبتين وجبنا عشا ورجعنا البيت ع الساعة عشرة قبلها قال لي زوجي رايح مشوار مهم من بعد المغرب مع اخواني وابوي وبرد على ال 11 ويوم قرب السواق ع البيت زاد الالم بقووووة بس ماحبيت اخوف الاولاد فسرت اقوله بسرعة بنتي سالتني ماما وش فيك قلت لها ابي دورة المياه اعزكم الله المهم نزلت من السيارة بطلوع الروح وادخل على غرفة نومي وارمي نفسي ع اقرب كرسي وناديت الشغالى تعبي لي شنطة المستشفى واعطيها الاوامر حطي ذا وذا واحس بالبرد يبي يكسر رجولي مع ان الجو في ذاك اليوم روووعة المهم من رحمة ربي يابنات الا وزوجي داخل علينا ع العشرة والنص تقريبا والعيال يركضون الحق ماما تعبانة بتروح المستشفى جا وقال قومي بسرعة قلت له لا يمكن تعاديل قال قومي بلا تعاديل قلت طيب بروح دورة المياه ودخلت هناك حسيت شي بينزل وشفت دم بقعه متوسطة سبحان الله في كل ولاداتي ينزل الموية اول الا في بنوتي ذي نزل الدم اول المهم طلعت له واقول له ولادة ولادة ابروح المستشفى وياخذني ركض ع المستشفى قبلها طبعا تخللها لحظات وداع من غير شر يارب وتبويس واحضان ودموع لعيالي كالعاده خخخخخ المهم دخلت عند الطبيبة قالت 8 سم طلعوها فوق بسرعة خفت وقلت لها انا كاشفة قبل قالوا لي الجنين قاعد ولازم عملية وكشفت سريع قالت فعلا قاعد وتوك جاية الله يهديك المهم طلعوني فوق وبدلوا لي ملابسي والطلق يزيد والسستر تقول دونت بوش لاتدفعي وحطوني ع النقالة عشان يودوني غرفة العمليات ومن زود الالم والطلق قلت للدكتورة الم قوي انا جاية هنا بفلوسي عشان ارتاح ابغى عملية البيبي جالس خافي الله قامت قالت لي منتي الي جاية متاخرة يامدام اعمل لك ايه دلواتي خخخخ طبعا وهي بثورة غضبها قالت طيب من معاكي يوقع ع العملية وسبحان الله وهم يدخلوني من غرفة لسيب وطلع زوجي هههه وربي زي الاحلام شفته قال انا قمت ناديته قلت محمد قلهم عملية بسرعة بتطلع رووووحي مسكين ذيك الليلة عمره ماخاف بحياته ممثل ماخاف فيها المهم قالوا خلاص نادينا طبيب التخدير من بيته وولدت الحمدلله وجا طبيب التخدير في اخر لحظة عطوني الكمام بس النونو نزلت برجولها والله ياجرنا يابنات ع التعب الحمدلله الذي بنعمته تتم الصالحات الان لي شهر بالضبط ربي يسهل لكم وقومكم بالسلامة