$el.classList.remove('shaking'), 820))"
x-transition:enter="ease-out duration-300"
x-transition:enter-start="opacity-0 translate-y-4 sm:translate-y-0 sm:scale-95"
x-transition:enter-end="opacity-100 translate-y-0 sm:scale-100"
x-transition:leave="ease-in duration-200"
x-transition:leave-start="opacity-100 translate-y-0 sm:scale-100"
x-transition:leave-end="opacity-0 translate-y-4 sm:translate-y-0 sm:scale-95"
x-bind:class="modalWidth"
class="inline-block w-full align-bottom bg-white dark:bg-neutral-900 rounded-lg text-right overflow-hidden shadow-xl transform transition-all sm:my-8 sm:align-middle sm:w-full"
id="modal-container"
>
هنا بعد ما عملنا كم سطر حشو ....
بعدين اطبقيهم على بعض ... يعني الامام على الخلف عشان نقسم القطعة لقسمين عشان نعمل القطعة تبع الصدر ... وحيكون الشغل في الجزء الامامي فقط ...
بعدين تطلعي سطر جديد بسلسلة ثم حشو في نفس المكان وتشتغلي حشو في باقي الغرز الامامية فقط زي ما قلنا ...
بعدين تقلبي الشغل وتطلعي بسلسلة وتعملي حشو تنقيص في اول غرزتين .... يعني تشتغلي حشو في اول غرزة وقبل لا تسحبي الخيط اشتغلي حشو في الغرزة الثانية واسحبي الخيط من الثلاث سلاسل اللي على الابرة ..... وتشتغلي باقي الغرز حشو لين آخر غرزتين تشتغليهم مع بعض تنقيص بنفس الطريقة الاولى .... تقلبي الشغل وتطلعي بسلسلة وحشو تنقيص في اول غرزتين .. والباقي حشو عادي الى آخر غرزتين تشتغليهم حشو تنقيص وتقلبي الشغل ... لين تحسي القطعة مناسبة من ناحية العرض تشتغلي حشو عادي بدون تنقيص .... الى الطول المناسب لمنطقة الصدر ....
لاحظي النقط اللي بالازرق هي المنطقة اللي حددتها عشان اشتغل عليها .... بعدين النقط اللي بالاحمر السطر اللي بعده بداية التنقيص ...
اذا خلصتي الصدر اقطعي الخيط ... واشبكي الخيط في اي غرزة من الجهة السفلية .... عشان نعمل التنورة ...
اطلعي بثلاث سلاسل بمثابة اول عمود ... ثم اعملي عمودين في نفس الغرزة ..... ثم سلسلتين وسيبي غرزة من السطر ثم اعملي 3 اعمدة بلفة على الغرزة اللي بعدها .... ثم سلسلتين وسيبي غرزة من السطر ثم 3 اعمدة في الغرزة اللي بعدها ...
لاحظي النقط اللي بالازرق هي الغرز اللي اشتغلنا عليها 3 اعمدة ... والنقط اللي بالوردي هي الغرز اللي سبناها من السطر .... والخطوط السوداء هي الثلاث اعمدة اللي اشتغلناها في الغرزة الوحدة .... والنقط الصفراء هي السلسلتين ....
تختمي بمنزلقة ثم تشتغلي منزلقة على العمودين التاليين عشان توصلي للفراغ اللي هو عبارة عن سلسلتين ... عشان نبدأ سطر جديد ... ونطلع بثلاث سلاسل ثم عمودين في نفس الفراغ ... بعدين سلسلتين ثم 3 اعمدة في الفراغ التالي ... واستمري على نفس الطريقة ....
في حالة اذا تبغي الفستان مو عريض بدل ما تعملي سلسلتين اعملي سلسلة وحدة فقط بين الاعمدة ....
استمري لين توصلي للطول المناسب .... اقطعي الخيط ونبدأ نعمل الحواف ...
بالنسبة للحواف العلوية اشتغلي حشو بلون ثاني او اذا حابة بنفس اللون ..... اشتغلي داير ما يدور الفتحة العلوية .... واعملي الخيوط في اركان الصدر اللي عملناه ... عبارة عن سلاسل ثم منزلقة على هذي السلاسل ... طبعاً تشوفي الطول المناسب ... بحيث انه حينربط خلف الرقبة ... او ممكن تعمليه شرايط مو كروشيه ... تخيطيه نفس الشي على اركان الصدر ....
اما حواف التنورة ا تشبكي الخيط في اي فراغ من الفراغات المكونة من سلسلتين ثم تطلعي بثلاث سلاسل بمثابة اول عمود ثم تشتغلي 4 اعمدة في نفس المكان ... بعدين تشتغلي 5 اعمدة في الفراغ التالي المكون من سلسلتين وتستمري وتختمي بمنزلقة وتقطعي الخيط ...
اتمنى يكون شرحي واضح ولو فيه اي سؤال انا حاضرة ...
موفقة يا عسل ...