رامارامي :

اختي انا عملت العملية بس في الاردن انا والله ما حدا حكالي اشي عنها بس كل ما اسال يحكولي سهله وخمس دقايق وما بتحسي بوجع ومن هالحكي وقررت اعملها على هالاساس بس بعد ما عملتها انتبهت انه كان لازم اعرف عنها اكتر انا رح احكيلك تجربتي وما بدي اخوفك منها بس بدي تكوني عارفة كل اشي انا انصدمت وخفت لانه ما حدا حكالي اشي المهم اختي انه تعرفي انه في تقنية ليزك وهاي اللي بحكو عنها سهلة وما فيها الم وفي تقنية ليزر وهاي مختلفة لانها مزعجة ومؤلمه وتحتاج وقت عشان تظهر النتيجة انا فكرت كله سهل المهم انا حكالي الدكتور انك محتاجة عملية بطريقة ال PRK وانا ما عرفت انه هاي يعني ليزر حكيت له اوك وعملتها هي فعلا سريعة والبنج قطرة وما تحسي باي الم وخلال ربع ساعة كنت عامله العين اليمين واليسار وحكالي مع السلامه بس بعد ما وصلت البيت حسيت بالم رهيب في عيوني واعطاني قطرات مسكنه وكنت اعاني من احمرار ودموع غزيرة والم كانه عيني فيها شوك وطبعا الرؤية غير واضحة حكالي الدكتور كله طبيعي بس احسن تسكري عيونك وتنامي وانا كان عندي اطفال وما حدا حكالي انه محتاجه رعايه فكرت عالسريع زي الليزك المهم الوضع كان صعب اول اسبوع لانهم بكونو حاطين في العين عدسات لاصقة عشان تحمي العين بعد العمليه وبعد اول اسبوع رحت عالدكتور وشلت العدسات وصار الوضع احسن راح الالم اللي زي الشوك وخفت الدموع وخف الاحمرار والرؤيا تحسنت بس مش كتير وحكالي بدها وقت لحد ما ترجع الرؤيا تمام وسرت اتحسن شوي شوي وبعد العملية بشهر ونص صارت الرؤيا ممتازة وكل اشي تمام بس بقيت مشكله وحدة وما حدا حكالي عنها انه بعد العمليه رح تستخدمي قطرات ل تلات شهور وبعدين توقفيها وتستخدمي قطرة مرطبه طول العمر كل يوم تحطي منها عشان ما يسير جفاف في العين والله لما ما احط منها كم يوم احس بالم رهيب اول ما اصحى من النوم وافتحها تكون حمرا وكانه شوك في داخلها واركض عالقطرة طبعا بعد ما احط قطرة بعشر دقايق تتحسن ويختفي الحمار بالتدريج والقطرة سعرها خمسين ريال ولازم طول العمر وانا ما حدا حكالي كل اللي صار معاي عشان هيك حبيت انبهك انه تفهمي هي ليزك السهله والا ليزر وازا ليزر اعمليها بس رتبي امورك لو عندك اطفال لازم تدبري حد يهتم فيهم اول اسبوع ولازم تكوني عارفة انه تحتاج وقت لحد ما تشوفي نتيجة واضحة انا كنت افكرانه العمليه ما زبطت لانه شهر ونص وانا ما تحسنت الرؤية ١٠٠ بالميه بس طبعا كانت احسن من قبل بكتيييير يعني تعيشي بدون نظارة عادي بس مش شايفة تمام انت اسالي دكتورك عن كل اسي وكوني عارفة انها مزعجة ورتبي ظروف بيتك وتوكلي على الله انا عملتها كنت نازله اسبوعين اجازة وكنت سنه غايبه عن اهلي وحكولي بس خمس دقايق ومرو الاسبوعين وانا موجوعه ومدمعه ومعصبه وما رحت ولا مكان ورجعت سافرت وراحت علي الاجازة لو كنت اعرف كان رتبت اموري احسن بس الحمد لله على كل اشي واي سؤال انا حاضرة وسامحيني عالاطاله

اختي انا عملت العملية بس في الاردن انا والله ما حدا حكالي اشي عنها بس كل ما اسال يحكولي سهله وخمس...