ماشاء الله .. لاقوة الابالله
هلا بحبايب قلبي اللي يوسعون الصدر بردودهم الحلوة
والدعوات الطيبه الله لايحرمني منكم ولامن ردودكم
ولامن مروركم اللي يشرفني
الكل متشوق للكيكه اللي بتوقيعي والكل يرسل
لي يبي طريقتها وانا أقول تفضلوا لعيونكم
ماأقدر أطول أكثر عليكم
بس قبل لاأشرحها لكم ابي أقول لكم أني ماصورتها
بالخطوات خفت تطلع على قولتهم ( مش ولابد )
بس كانت النتيجه روووووووعه
مع الأسف مانحب الحلى وغير مرغوب عندنا بالبيت
والاكان سويته مرة ثانيه وصورته
المهم هذي المقادير
4 بيضات
كوب بقسماط
كوب فستق ناعم تقدرين تستغنين عنه
كوب سكر
ربع كوب زيت
ملعقة طعام بيكنغ بودر
وفانيليا
الطريقه
نخلط البقسماط والفستق والبيكنغ بودر مع بعض
نخلط البيض والزيت والفانيليا ونخلطهم بالخلاط ونضيف عليهم السكر
نسكر الخلاط ونضيف عليهم المقادير الجافه ونحركهم بالملعقه
نصب الخليط في قالب الكيك المدهون اللي يكون للفطاير
ونحطها بالفرن واذا استوت نقلبها واخلط حليب محلى وجبن كيري
وأصبها فوقها وبعدين أصب عليها من صلصه الهيرشي الشوكلاته
على شكل دائرة مبتدئه من الوسط الى اخر الكيكه وبعدين نشخطها بعود شيش الطاووق
وندخلها الفرن ونشغله من فوق عشان تجمد الطبقه اللي من فوق
بس صدقوني وايد حلوة ولاتخلونها بالفرن مده طويله بسرعه تستوي
أنا خليتها أحمرت عندي زياده
هذي شكل القالب للي يبي يسأل
زاد عندي من العجينه وصبيتها بقالب كيك صغير
بس يوم قلبتها تفتت من فوق
بس بحنكتي وفني قلبتها لشكل جذاب ويسلب الأنضار
صبيت عليها حليب محلى وتوفي جاهز وصوص الشوكلاته الجاهز
الصلصات أحتفظ فيهم لوقت الزنقات
بالعافيه على قلوبكم حبايبي
