السلام عليكم ورحمة الله وبركاته
بصراحة الدنيا صارت تخوف ومعد فيه امان ولا اخلاص ولاحتى امانة
القريب صار يتشمت في قريبه
والناس صارت ماتبالي تتشمت حتى بعرض الناس وشرفها
وصار اللي عنده مشكله ويبغى يحلها لازم يتشمتون فيه بالأول ويتبهذل وتسير سيرته على كل لسان
كانهم ماعندهم ولا عيب ولاقاس عيبه بعيب اللي يتشمت فيه يمكن عيوبه اكثر الله اعلم
الموضوع اللي صدمني هنا في واحد من المنتديات وحدة الله يهديها منزلة موضوع وحدة كانت تسوق السيارة لانها كات بتقابل واحد تعرفت عليه وهربت منه ...... الخ
ابغى افهم حطت الموضوع ليش عشان الناس تاخذ حذرها؟؟
والا انو موضوع جديد ؟؟
والا عشان الناس تتشمت ؟؟
بس اتوقع ان شاءالله توقعي يكون صح عشان البنات يشوفوا نهاية العلاقات المشبوهة..
الغلط مو منها الغلط من اللي رد.. كيف تردي باستهزاء وشماته ماتخافي يجي يوم وتكون بنتك او اختك زيها لهذي الدرجة الشماتة وصلت للاعراض
طيب هي البنت اغواها الشيطان وان شاءالله تتوب وترمي الماضي ورا ظهرها
ليش اذا الشخص قرر يلتزم يلاقي معاصيه وذكرياته الشيطانية تطارده من الناس؟؟
وبرضوا موضوع لبس العباية اللي زي البشوت منزلة بصور اللي لبسوها بالاسماء طبعاآ؟؟
طيب انتي ذحين اخذتي اثمها واثم اللي تشمت فيها..
طيب يمكن عند الله اعمالها احسن من اعمالنا؟؟
تتوقعوا بيرضوا باللي ينشر عنهم في المنتديات ؟؟ وبيسامحوا اللي تكلم عليهم؟؟
افتكر مرة في المنتدى هنا كانت كاتبة موضوع عن بنت مراهقة سمعتها بالراديو ..
طيب ليش تغتابيها وتخلي البنات يغتابوها كذا انتي شلتي اثمها واثم اللي تكلم واستهزأ ..
يهودي يعني كــــــافر اذى الرسول صلى الله عليه وسلم وهو الرسول ماسوى اللي احنا سويناه
ياناس في احد يتشمت عالناس بمعاصيه وذنوبه ليش فين احنا وكيف احنا مسلمين ونسوي كذا..
كيف نبغى الكفار يدخلوا الاسلام واحنا كذا؟؟
يعني مو كافي العداء اللي يكنه الكفار والمذهب الشيعي للاسلام تقوموا انتوا يامسلمين تعادووا دينكم ؟؟
طيب مو القران الكريم نزل عشان يصلح حال الامـــــــة؟؟
مو الاحاديث الشريفة عشان تنصلح حال الامة؟؟
لو الرسول صلى الله عليه وسلم واجه موقف زي هذي المواقف رده بيكون زي ردنا تجريح وسب وشتم؟؟
واكيد كلكم تعرفوا قصه الزاني الذي سأله الرسول .. اترضاها لاختك لامك ..؟؟ قال لا ...؟؟
تدرون ايش قال الرسول الاعظم ؟؟
قال في قلبك خيـــــــــــر
طبعا الحديث فيما معناه..
ماسبه وطرده وتشمت بمعصيته على عظم وهول معصيته الا انه برد هاديء خالي من اي تشدد اهتدى الرجل واعترف بذنبه..
وعلى فكره اليوم تتشمتي بمعصية اي شخص بكرة سنة شهر تلاقي نفسك مكان هذا الشخص..
انا شخصيا اعرف ناس من ائمة المساجد مشكلتهم الشماته .. فسبحان الله كما تدين تدان
يمكن الشخص اللي تتشمتي فيه وتسبيه عند الله ارفع مقاما منك وال الشخص لازم يقول للناس باللي في قلبه..
كيف تبغوا الناس تعيش في امان وهدوء والناس تتطاردها بشبح معاصيه؟؟
اذا بتردي على اصحاب المعاصي قولي الله يهديك, الحمدلله الذي عافانا, اللهم لاشماته, الله لايبلانا ,الله يستر علينا .... الدعوات كثيرة الحمدلله
وكمان لك بالمثل..
اليوم انتي على الارض وغدا قد تكوني في باطن الارض ..
اليوم انتي على الارض تقدري تمسحي وتعدلي وتستغفري وتتوبي ..
ولانسوا ان اي سب او غيبة او شتم تسحب من رصيد حسناتك .. فلاتكوني يوم القيامة من يقال لهم المفلس ..
عَنْ أَبِي هُرَيْرَةَ رَضِيَ الله عَنْهُ، أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ: "أَتَدْرُونَ مَا الْمُفْلِسُ" قَالُوا الْمُفْلِسُ فِينَا مَنْ لَا دِرْهَمَ لَهُ وَلَا مَتَاعَ، فَقَالَ: "إِنَّ الْمُفْلِسَ مِنْ أُمَّتِي يَأْتِي يَوْمَ الْقِيَامَةِ بِصَلَاةٍ وَصِيَامٍ وَزَكَاةٍ وَيَأْتِي قَدْ شَتَمَ هَذَا وَقَذَفَ هَذَا وَأَكَلَ مَالَ هَذَا وَسَفَكَ دَمَ هَذَا وَضَرَبَ هَذَا فَيُعْطَى هَذَا مِنْ حَسَنَاتِهِ وَهَذَا مِنْ حَسَنَاتِهِ فَإِنْ فَنِيَتْ حَسَنَاتُهُ قَبْلَ أَنْ يُقْضَى مَا عَلَيْهِ أُخِذَ مِنْ خَطَايَاهُمْ فَطُرِحَتْ عَلَيْهِ ثُمَّ طُرِحَ فِي النَّارِ".
اللـــــــهم بلغـــــــت الــلهم فاشهــد,,
شمعة أمل| @shmaa_aml_26
محررة فضية
يلزم عليك تسجيل الدخول أولًا لكتابة تعليق.
زرقة النهر
•
موضوع قيم جزاك الله خير
الصفحة الأخيرة